Nilaini zing khan english channel Calais tuipui kamah lawng lian pilin, mi pathumin nunna an chan tawh tih thuneituten an sawi.
He lawng lian hi hmun hima chen tuma pemte phurtu niin, mihring an chuang khat hle a sawi a ni a, France thuneitute chuan mi 45 te chu dam taka chhanchhuah tawh niin, zawn leh chhanchhuah hna thawh reng a ni bawk an ti.
Thuneitute chuan he lawng pil hi hriat mai a nih loh thu sawiin, tuten emaw life jacket an hmuh hnuah chauh rinhlelh a kai chho ta nia sawiin, a hnuah chhanchhuahna lawng an hmuh thu an sawi a. Lawng a chuangte hi an tam em avangin chhanchhuahna Lawngah pawh hian an len loh thu an sawi.
Hnuchhui hna leh chhanchhuah hna an thawh hnu hian chhanchhuahna Lawng a chuangte zinga pahnih chu nikhaw hre lova an awm hman tawh thu an sawi a, enkawlna rang taka pek nghal an nih thu an sawi bawk.
UN sawi danin kumin hi English Channel tuipuia Lawng chetsualna tam ber tum a ni a, September thlatir teah pawh khan mi tam tak chuanna Lawng chu lo pil tawhin mi 12 in nunna an lo chan tawh a, hemi tuma thi zingah hian naupang paruk leh raipuar pakhat an tel nghe nghe a ni.
English channel-ah lawng pil
Get real time updates directly on you device, subscribe now.