Environment Day pual intihsiak leh industry hma la tha thlang
Environment Day pual intihsiak
leh industry hma la tha thlang
Khawvel hmun dang rualin Ningani khan Mizoram hmun hrang hrangah World Environment Day 2025 hman a ni a. Aizawlah chuan Urban Development & Poverty Alliviation department leh Mizoram Pollution Control Board tangdun buatsaihin hman a ni.
Hmanpuitu UD&PA minister K Sapdanga chuan bawlhhlawh bawm enkawl tura mipui ngenna “Adopt A Dustbin Initiative” a tlangzarh. Environment, Forest & Climate Change minister Lalthansanga pawh telin, Environment Day 2025 puala intihsiak lawmman a sem.
Kumin Environment Day thupui “Ending Plastic Pollution” tih pualin UD&PA leh MPCB hian lemziak, thlalak leh thupui behchhana thilsiam hmangin mipui vantlang leh zirlaite zingah intihsiak an buatsaih a. Sector hrang hrang thlan bika titha zual, industry pathum – Food Processing Research & Training Centre Seling, R&K Industry College Veng Aizawl leh NEEPCO Ltd. Turial Hydro powerstation Tuirial Kolasib hnenah chawimawina thilpek hlan an ni.