Ministry of Environment, Forests and Climate Change bul tumin Mizoram Pollution Control Board leh, Bamboo Development Agency, Dirte. Commerce and Industries tangkawp chuan ni hnih awh tur ‘Eco-Master Trainers Training on Bamboo Crafting’ nimin atang khan an huaihawt a. He training-in a tum ber chu environment tha zâwk siam turin kan nun dân phung tha lo zâwkte thlâk a, environment tâna him leh tlo zâwk kan nunah seng lût tura infuihna leh zirna pêk a ni a, training chhûng hian single use plastics thlâk nân mau atanga hmanrua siam chhuah dân zir a ni dâwn a. Tuna training hi Mizoram district pasarih atangin School Eco-Club incharge, Green Teachers-te training pek phawt a ni ang a, district dangah pawh chhunzawm zel tur a ni.
Mithiamten plastic that loh dan an sawi hi kan hre chiang viau tawh a, benga hria mai kan ni tawh lo va, mit ngeiin kan hmu mek a nih hi. Kan lui dung leh kawr ruam tin maite hi plastic lam chiin a khat a ni tawh ber a, kawlphetha siamchhuahna Tuirial HEP tuikhuah pawh plastic thilin a hnawh ping lo chauh tawh a, social media lamah pawh a darh viau kha. Palstic-in kan environment a tihchhiat nasat tawh dan leh mihringin kan tawrh mek dante hi thu mai ni lo, a tak (practical)-in kan tawng chho mek a ni.
Hei hi kan dinhmun mek a nih tawh avangin, hmasawnna leh awlsamna kan bawh luat avanga environment kan tihchhiat dan leh, chu chu mihringin kan tawrh zui dan hi hre reng chung si hian, plastic lam hman loh hi tu te emaw tih tura dah deuh tlatna rilru hi kan la pu mek niin a lang. Kan rilru sukthlek (mindset) thlak danglam tur hian a ruala thu leh practical kal rualtir kan mamawh tawh hle niin a lang.
Chutiang atan chuan tuna bamboo crafting ang hi a pawimawh dawn hle a, zirlaite atanga bul kan tan that a, plastic aia mau hmanga siam hmanrua kan intihhmuh chhoh theih zel chuan, thangkhat lian velah chuan kan fihlim deuh duak thei tawhin a rinawm. Eng emaw tihkhawm nikhua te hian palstic no aiah mau-thei hman te hi intihhmuh chho zel ila, chu chu kan environment himna tur zel a ni.
Environment tana him hmanrua intihhmuh…
Get real time updates directly on you device, subscribe now.
Prev Post