‘Eras Tour’ film tlangzarh hun sawn hma

Taylor Swift sawi takah chuan a concert film ‘Taylor Swift: The Eras Tour’ chu October ni 13-ah cinema hall-a chhuah tan tur a ni a, mahse, he film en duh hi an tam lutuk avangin America leh Canada-ah chuan Ningani atangin an chhuah tandawn tih an puang a, Zirtawpni-ah pawh cinema hall-a chhuah hun an tihpun belh bawk. Ram dang 90 chuangah chuan Zirtawpni zan atangin an chhuah tan dawn a ni.
He concert film hi Nilaini khan Los Angeles-ah premiere a ni a, Swift chuan a concert film en duh an tam lutuk avanga cinema hall-a chhuah hun an sawn hma thu hi puangin, “He film heti tak maia in lo en chak hi lawmthu sawi ngaihna pawh ka hre lo,” a ti.
‘Taylor Swift: The Eras Tour’ film hian ni khat thil thua ticket advance sales record pawh a lo siam tawh a, ticket an zawrh chhuah atanga darkar 24 chhungin dollar maktaduai 26 man an hralh hman a, 2021-a Spider-Man: No Way Home-in ni khat advance sale-a dollar maktaduai 16.9 man hralha record a lo siam tawh chu a rawn khum chiang hle a ni.
Hei bakah hian advanceticket sale zawng zawng hi dollar maktaduai 100 chuang a ni a, hei pawh hi feature-length concert film-ah chuan advance ticket hralh that ber a la ni a, a hmaa hetiang record chu 2011-a Justin Bieber: Never Say Never kha niin, advance ticket sales-ah dollar maktaduai 99 a lalut thei a ni.