Euro 2024 thunawi – Jipson S. Hrangate, AFC Referee

Euro 2024 thunawi
A ruh sakte pawh an lo chhuak tel ve!
Tun \um European Championship 3rd league match-ah khan team tinte chu a siruk la tak meuhin an inbei hlawm a, Rounf of 16 kai tura kan rinte an tla a, tla tura kan rinte an kai ang lawi si!
A ruh no ho te chauh chhuak lovin a ruh sakte pawh an chhuak tel ve bawk. A ruh sak chhuak ta te chu Euopean football-a powerhouse ni pha ve ngat Czechia-te an ni a, anni hi Euro-ah pawh 1976 kuma lo champion tawh leh World Cup-ah hial pawh semi-final leh final vawi duailo lo khel \hinte chu 3rd league match zovin an puanthuah an tel haw ve ta!
Czech-ho hian draw point khat chauh an hmu a, last match vs Turkey-ah an han che bon lo ve khawp mai lehnghal! An player \henkhat Antonin Barak (7) leh Tomas Chory (19)-te’n red card-te an han hmu haw leh nghal!
A ruh sak pakhat chhuak ve chu Poland an ni. Poland-ho hi Euro leh Workd Cup-ahte hian an chechhe ngai lem lo. R-16 chu an thleng ve \hin a, Olympics football-ahte phei chuan final hial an lo chuangkai ve tawh \hin.
Tun\um chu hliam avangin Poland-ho thiampuipa Robert Lewandowski a che hlei thei lo a, last match vs France game-ah khan penalty bimboh deuhin a thun \awk!
Lewandowski penalty pet dan diklo!
Penalty kick hi direct free-kick takmeuh a ni a, free-kick dang anga indirect te-a pet awi a ni ve lo. A pettu (kicker) hian a pet hmain a petna lam tur chiang taka a duan lawksa chu tlang takin a pet mai tur a ni. Keeper tihtimna’n emaw tih-nervous-na’n emaw a han pen rang kualkawi tawi khawmuang vel thul! A pen a, a han ding leh titih hnua pet ang chi kha awih a ni lo a, ’unsporting behaviour’ a ni zawk!
Penalt shootout-ah phei chun ball rawn tingkir (rebound) pawh pet nawn awi a ni lo. Ball pettu’n ball vai\helh luia keeper a dive chhuak tawh si, a dive lohna lama ball petluh kha goal-a pawm a ni lo a, a pettu kha ‘unsporting behaviour’ hmanga yellow card-a hrem tur a ni zawk.
(Hetiang hi ISL lamah pawh hmuh tur a awm a, referee’n engmah a hre lo zui… an buai phah!)
A ruh sak dang chhuak ve dang leh chu Croatia an ni. Croatia hi World Cup-ah pawh 3rd place leh runners-up thleng hauh pha ngat an ni a, tun \um hi an che \halo khawp mai!
Draw point khat nen last league match-ah Italy a bei tleng tleng a, winning point nen point li hmua last 16 an kai \ep laiin 90+ 7 pelh hnu second 10 chhung lekin Italian-hoin an uaina hrui an rawn pawhchahsak a, an tla ta tawp mai a ni!
Croatia-ho tihsual pui ber chu second 30 vel chauh awm tawh laia si khata hma an la hruai laia goal venhim lama an insawrbing lo kha a ni a, khati ang tawhah kha chuan double defence wall-in an goal veng tlat se, an keeper rawn up chhen lo bawk se an chak hlen mai tur!
World Cup/Euro etc. china 3rd league match-te hi a hmuhnawmna lai ber ni si group tinin a rual vekin an play \hin a, kan en kim thei lo kha a pawi \hin ngawt mai. Eg: Belgium vs Ukraine & Slov vs Rom tih angte kha zan dar 9:30 ve veah an khel tlat a; tin, Geor vs Por & Czechzia vs Turkey-te pawh zanlai dar 12:30 ve veah an khelhtir leh bawk a; zan dar 9:30-a khelte chu vawilehkhatah a rualin kan en thei si lo, a channel hmeh tawn chhen mai kha a buarchuar bawk si!
Chutiang bawkin zan dar 12:30-a mi pawh a hnuah highlights emaw replay emaw en dawn ila, a result hriat tawh hnu kha a tuiawm tawh bawk si lo…
Hemi system (a rual veka play) FIFA-i’n a rawn siam nachhan hi group khata mahni group-a team dangte or group danga team-te point an ‘inkhilaitawn’ lohna’na an ruahman a ni.
The story so far… Tun hma chuan World Cup-ah hian team chhuak an la tlem a, ram 8,12,16 tih velte an nih lai kha chuan round of 16 hi a la awm ngai lo a, second round hi quarter-final a ni nghal mai zel \hin a ni.
Khawvel pum huapa football tournament ropui berin team tlemte chauh awma hun tawite chhung chauh an han khelh \hin chu khatih hun laia FIFA president Pu Jeao Havelange (Brazil) chuan a duhtawk lo hle a, 1978 World Cup zawh a\ang khan FIFA executive meeting vawi duailo koh a nih hnu chuan World Cup 1982 Spain-ah ckhan World Cup-a team tel thei zat chu 24 an lo tling ta a, round of 16 pawh neih \an a lo ni ve ta…
He system hi a hlimawm/namawi tehlul nen team zingah ‘hlemhletna’(corruption) a rawn piang zui nghal! Team leh team inhneh lui luiin R-16 lut tur an in-block thei tlat! He thil chin \ha lo tak mai hian WC 1982 kha a tihmelhem hle a, ‘The Disgrace of Gijon’ tih hming an puttir hial a ni. Gijon khawpui hi match an khelhna venue a ni.
3rd league match-ah chuan last 16 kaisa West Germany chuan an \henawm ram Austria (Hitler-a pianna) chu hneh lo lui ngatin an khel a, hemi avang hian Algeria chu R-16 lut thei lovin na takin an tla ta vang vang mai a nih kha! Tun thleng hian Algeria leh Germany-te hi ‘football rivalas’ an la nih phah reng !
FIFA chuan 1986 WC-ah kalphung a tidanglam ta a, 3rd league match-ho zawng chu a ruala khelh turin dan khauh tak a rawn siamchhuak ta a, he dan bawhchhetu team chu FIFA lamin na takin a hrem ang tih a ni.
He dan hi a \ha viau nachungin thlirtu mipuite tan harsatna namen lo a rawn thlen leh tlats tih hriaiin 1990 World Cup-ah khan kan rama football expert leh WC 1990 analysist ni bawk Pu Novy Kapadia chuan WC 3rd league match zawng zawngte chu kim biaia kan en theih vekna’n hemi kuma TV-a official broadcaster/telecaster DD Sports-te chu idea \ha tak a rawn pe a, chu chu hei hi a ni: Match a ruala khelte chu a pakhat zawk zawk an lo record a, an record ber chu live-a tichhuak lovin an ‘block’ a, match pakhat zawk khelh zawh hnu reiloteah an lo thlahchhuak leh a, tichuan, kim takin, hlim takin kan en \hin a nih kha…
Tunlaia WC, Euro etc. te lve-a brosdcaster/telecaster-te hian hetianga tih ve nachang an hre lo hi a pawi khawp mai. La hrilhhriat tur an ni!
Chuvangin World Cup zawng zawngah chuan WC Italia 1990 kha a la changkang ber a, a hla pawh a la mawi ber a, player-te pawh an la thiam ber a, an unifom jersey-te pawh a la nalh ber bawk. Khati ang ang kha awm leh thei tak ang maw…?