Euro team of tournament

Euro 2024 khelh zawh takah inelna neih chhunga cheTha zual player 11 thlanchhuah an ni a, champion team Spain team in player paruk ngawt an thawh laiin pahnihna England in player pakhat chauh an tawh ve thung.
Euro khelh zawh takah clean sheet vawi li nei a, goal keeper Tha bera thlan tak France si nghak Mike Maignan chu chu Euros team of tournament-ah si nghak atan thlan a ni a. Defender pali thlanchhuah zingah England defender Kyle Walker a tel a, a ni ni England in player an thawh awmchhun a ni. Walker hian Euro-a England game ah a khel kim vek a, a khel Tha viau zel a, team of tournament-a tel hi a phu viau. Walker bakah hian Manuel Akanji (Switzerland), William Saliba (France) leh Marc Cucurella (Spain) te thlanchhuah an ni.
Euro team of tournament hi 4-3-3 formation in rem an ni am mual laiah Spain player thum; Dani Olmo, Rodri leh Fabian Ruiz te rem an ni. Tlahma pathum zingah Spain rawlthar hmuhnawm pahnih; Lamine Yamal leh Nico Williams te hmel hmuh tur a awm a. Anni hi ding leh vei lam sirah rem an ni. A laiah Germany rawlthar hmuhnawm Jamal Musiala dah a ni ve thung.
Spain midfielder ropui Rodri hi Best player-a thlan ngat kha a ni a, Spain game vawngtu pawimawh tak a ni. Euro 2024-ah Spain an champion theih nan a thawhhlawk viau a, player ropui a nihzia khawvel hriatah chiang zawkin a pho lang nawn a ni ber mai. Tlarhmaa an rem rawlthar pathum Yamal, Musiala leh Nico Williams te hi inkawp ta tak tak se an hmuhnawm hle ngei ang. Rawlthar Tha bera thlan Yamal hian goal khat a thun bakah assist vawi li ngawt a nei. Musiala-’n goal thum a thun a, Nico Williams-a’n goal hnih a thun ve bawk.