Europe khawmual inchin fel zan

On Mar 31, 2026 0 0

Europe khawmual atanga FIFA World Cup 2026 khel tur zawnna hnuhhung playoff final chu zaninah khelh a ni dawn a. Europe khawmual ataga World Cup khel tur a hriat kim theih dawn.
World Cup-ah Europe khawmual in team 16 an thawh thei a. World Cup qualifier a gropup champion theuh team 12 in direct in World Cup an khel phak a. Team 16 dangin playoff an khel zui leh thin. Play-off hi semi-final atangin bul tan a ni a, final khelh zui leh niin final a chakte theuh team li te chu World Cup khel turin an tling ve leh dawn. Zanina khelh tur hi final a ni a, Europe khawmualte inchin fel zan dik tak a ni.
Bosnia mualah Italy
Football thiam ram, World Cup-ah pawh vawi li ngawt champion tawh Italy chuan a zawnin World Cup vawi hnih an khel phak tawh lo. A zawna vawi thum ngawt World Cup khel phak lo thei dinhmunah an ding a, Mimuala an hmachhawn tur Bosnia and Herzegovina an hneh lo a nih chuan World Cup khel phak lovin Italy an mualpho nawn leh dawn.
Italy lakah fiahna hautak hmachhawn tur Bosnia hian semi-final a an khingpui Wales lakah tlawm an pumpelh hram a, hun pangngaiah 1-1 in an inhnehtawk a, penalty shootout ah 4-2 in an chak hram a, final an lu. Italy khian semi-final a an khingpui Northern Ireland chu 2-0 in an hneh ve thung.
Italy leh Bosnia te hi vawi li an inhmachhawn tawh a, Italy vawi thum an chak a, tlawm zawkah vawi khat an tang. An inhmachhawn tawhah an ngam riau thin vangin Italy tan Bosnia hneha World Cup khelh phak theihna kawng zau tak a inhawng. Italy hneha WOrld Cup an khel phak a nih chuan Bosnia tan hnehna lian, hnehna chhinchhiahtlak a ni ang.
Zanina inkhel dangah Sweden in Poland an mikhual dawn. ARsnal forward Viktor Gyokeres chuan semi-final-a an khingpui Ukraine lakah goal thum thunin hattrick a siam a, an team a chakpui. Poland an hmachhawn hunah Sweden tan Gyokere a pawimawh leh viau tura ngaiih a ni. Poland pawhin tlarhma player an nei tha a, veteran forward Robert Lewandoski an neih miau vangin zual awl taktur an ni a. Sweden hi an mualah fimkhur taka an inlan a ngai daw.
Czechia leh Denmark inkhel tur hi a hmuhnawm viau bawkin a rinawm. Team huaisen, tan ho thiam tak Denmark hian World Cup khel phak turin Mimualah chak an ngai dawn a, Czechia hneh hi thil awlai tak a ni dawn hauh lo. Inkhel dangah Kosovo leh Turkey an inhmachhawn dawn bawk.