Europe season hawnnaah City an lian
Nilaini Uefa Super Cup-ah Uefa Champions League trophy hawntu Manchester City leh Eu-ropa League title kawltu Sevilla chu Greece ram khawpui Athens-ah in-tumin, hun pangngai tawp thlenga 1-1 a nih hnu penalty petah 5-4-in Eng-lish champion an chak.
English football sea-son thar khuhhawnna Community Shield penalty shootout-a Arsenal ngam lo Pep Guardiola team hi European football season thar hawnna inkhel lamah chuan penalty pet-ah an vannei ta zawk a, Treble champion an nihna kha Uefa Super Cup-in an belhchhah leh ta a ni.
Athens khaw in-khelah Youssef En-Nesyri chuan minute 25 an khelh tlin rualin La Liga club hmahruaina goal a tauhlut a, half time hmain Premier League champion-in an siphurh an sut hman lo.
Second half tir lam minute 63-ah man-of-the-match ni zui ta kum 21 mi Cole Palmer chuan Rodri siamsak atangin City siphurh a sut a, a vawikhatna atan Etihad club-in Europa League trophy an la.
Georgios Karaiskakis Stadium chhung lum hnawng pik churh hnuaia inkhelah hian Sevilla goalkeeper Bono leh Manchester City goal-veng Ederson an chetha ve ve.
Guardiola chuan kumin nipui laia sum tam tak senga an lakluh Josko Gvardiol chu tlarhnung veng turin a vawikhatna atan starting eleven-ah a telh a; a chechhe hran lo.
Penalty shootout lamah erawh a zawnin vawikua a lut a; City lamah Erling Haaland, Julian Alvarez, Mateo Kovacic, Jack Grealish leh Kyle Walker-te’n khungin, a hnuah Sevilla tana pen-chhuak Serbian defender Ne-manja Gudelj chuan goal kham a petper a, England ram Community Shield penalty peta Gu-nners laka an tlawm atanga a ni 10-na chiahah Guardiola team-in penalty hnehna an chang ve thung.
Hun pangngaia Spanish club hmahruaina goal luhna kawngah khan Marcos Acuna thawh-hlawkin, Morocco striker En-Nesyri tan ball tha a chhawpsak a, Sevilla hmatawng hian Nathan Ake leh Josko Gvardiol-te aia sanga zuangin City goalkeeper Ederson-a dan zawh loh goal a tauhlut.
Sikhat faia hma an hruai hnuah Erik Lamela chuan Sevilla goal hnihna khung turin hun tha a bawhpelh a; Manchester City beilet hian inkhel thunun chhoin, Haaland leh Kovacic-te’n Phil Foden leh Grealish-te ball siamchhuah goal-ah an chantir zo lo.
Second half-ah khawng zawkin Sevilla bawkin bul an tan leh a, Lucas Ocampos-a counter-attack pui tak kan hmuh hnuah goal hmahruai thuntu En-Nesyri chuan a goal hnihna tur a bawhpelh ve leh.
City captain Walker chuan TNT Sports hnenah inkhel hautak a nih thu leh tha taka an khelh thu sawi chungin kha aia goal bula an hriam deuh zawk a ngaih thu a tarlang tel.