Excise-in lirthei khalhtute endik

Excise & Narcotics chuan ‘special drive’ nei tanin khualzin phur lirthei khalhtute chu ruihtheih thil an tih leh tih loh an enfiah leh tan.
Excise & Narcotics minister Lalnghinglova Hmar hoa department officer-te ruahman angin, Krismas leh kumthar vuakveta Mizoram mipuiin thlamuang taka hunpui an hman theihnan Standard Operating Procedures (SOP) angin district tinah ‘special drive’ kalpui mek a ni a. Hunpui laia mipui him zawk nan khualzin phur lirthei – bus, taxi, maxi cab adt. khalhtute pawh zu leh ruihtheihthil dang an ruih leh ruih loh enfiah a ni. Hunpui lai hian zu leh ruihhloa inhnamhnawih lo turin mipui an ngen tih END hotute chuan an sawi.
Hetihlai hian kumin December thla kal mekah hian Excise & Narcotics department chuan rakzu litre 57717.740, a senchi (IMFL) man belhkhawm – litre 1026.450, beer man belhkhawm – litres 1521.650, BEDC litre 2.100, foreign zu belhkhawm – litre 126.500
heroin grams 764.560, ganja kg. 28.249 leh ruihna atana hman khuh damdawi tui um 500 an man a ni.