F1 tlankawnga car leupuitu Brad Pitt
Pathianni khan Silver-stone tlankawngah British Grand Prix an tlan a, he hunah hian Formula One intlansiak behchhana film siam mek Hollywood superstar Brad Pitt chu Formula1 track-ah F1 car khalh chhintir a ni.
Kum 59 mi Pitt-a chan mekna Formula One movie hi a hming an la phuah lo a, Pathianni Silverstone intlansiak behchhan hian shooting hmasa kalpui niin, he film siamna atan hian UK tlankawng hming-thangah hian film siamtu (production) lam chuan team 11-na dinhmun an chang a, an pualin garage (lem) leh pitwall stand pawh neihtir thlap an ni.
British Grand Prix den-chhen hian lemchan lam buaipuitu pathum – Brad Pitt, Javier Bardem leh Tobias Menzies-te chuan an hna an thawk mawlh mawlh a; Pitt leh British actor Damson Idris-te chuan hming hriat lar lutuk loh Sonny Hayes leh Joshua Pearce lem an chang mek a ni.
He movie siam mekah hian Pitt chu car intlansiak a chawlhsan zet hnua kirleh racing driver lemah changin, dirver tuaithar (rookie)-te nen tlan-kawngah an inel a ni.
He film atan hian F1 car hmang loin F2 car siam-danglam an hmang a, F1 practice, qualifying leh race tibuai tam lo zawngin film siam hna an kalpui chho mek a ni.
He Apple TV film direc-tor hi Hollywood film hlawhtling zinga mi Top Gun: Maverick pawh lo direct tawhtu Joseph Ko-sinski kha niin, Producer chu Jerry Bruckheimer a ni a; Mercedes seven times world champion Lewis Hamilton pawh inrawlhin, co-producer a ni.
Pathianni British Grand Prix tlan dawnah Brad Pitt leh a co-star Damson Idris-te hi starting grid-a F1 driver 20-te kiangah dingchhuak vein, Formula 1 movie an shoot mek atan APXGP team driver angin an inlan a, racing suit inbelin, F1 driver-te’n hnam hla an sak lai pawhin an tel ve zel a ni.
Tarlan tak angin, Pitt hian Silverstone track-ah an film siam mek atan car a leu kualpui a, a car hman kha F2 khawl niin, Merce-des puihnain tunlaia F1 car ang tur bera chei a ni.
APXGP team pawhin Silverstone paddock-ah fictional garage an neih thu tarlan a ni tawh a, F1 khaw-vel chu he movie-ah hian a changtu zingah an tel.
Apple TV tihchhuah tur he film hi legendary driver pakhatin Formula One intlansiak a chawlhsan zet tawh hnu, kum upat lama F1 team chetha lo tak tana tlankawnga a kirleh chan-chin niin, Sonny Hayes lemah Pitt a chang.