Faktu Band hla thar ‘Pathian Hmangaihna’
Gospel group Faktu chuan an hla thar ‘Pathian Hmangaihna’ chu a music video siam zoin, zanin hian Zonet Zawlbuk-ah en theihin a awm dawn ta a, MDM YouTube channel-ah an dah lut bawk ang.
Faktu Band member- RK Vanlalpeksanga (Mapeka), Pu JH Lallungmuana (Jh-a), B Lalbiakkima (Bka), Lalremsanga (Betea) leh Sangzuala Chhangte te hi a mimal ang pawha Pathian fakna hlatu, an vanglaia kan hriat lar te an ni hlawm a, vawiin thlengin chhangchhepa an nih tawh hnuah pawhin rawngbawlna lamah an theih ang angin an la inhmang chhungzawm ta zel a ni.
‘Pathian Hmangaihna’ hi Faktu Band anga an music video pangana tur a ni tawh a, a hla hi Holy Cross Bakery neitu Mary Lalfakawmi phuah niin, ‘Hnehna Chu Lalpa Ta A Ni’ tih album ami a ni. Band member-te chuan, “He hla hi a ngaithla apiangten tisa leh thlarauah malsawmna nasa tak an chan theih nan duhsakna sang ber kan hlan,” an ti.
A hlaah hian backing vocals dangdai tak mai neiin, Angaihtei, Zamtei leh Tluangtea Baptist Choir te leh Tetei, Marempuii, F Lalnunthari Besy choir a mite leh Johana & Ricky ten an pui bawk a ni.
Faktu Band hla thar ‘Pathian Hmangaihna’
Get real time updates directly on you device, subscribe now.
Prev Post