Nu leh paten fee tam tak senga trained teacher awm mumal lohna school-a an fate an kal tir thin chu mak a tih thu School Education minister Lalchhandama Ralte chuan a sawi.
Mizoram Primary Teachers Assioation (MPTA) member-te sum thawhkhawm hmanga primary school zirlai harsa zual deuh 36 hnena chhawmdawlna, Students Endowment Fund, semchhuah a hmanpuinaah Education minister chuan sawrkarna an chan hnu in, sawrkar sikul awngrawp tawh, sikul naupang awm mang tawh lohna leh sikul khar ngai khawpa awm tawh chu tundin thar leh an ni, tiin, thenawm ram buai avangin raltlan zirlai 9800 sawrkar sikulah a thlawna an enkawl thu a sawi bawk.
Nu leh paten fee tam tak seng chunga private sikul, trained teacher awm mumal lohnaa an fate an kal tir thin chu mak a tih thu sawiin, zirtirtu tha tak tak awmna leh zirlaiten a thlawna engkim an dawnna hmun, sawrkar sikula an fate kaltir turin nu leh pate a sawm tih a sawi.
Covid len laia sawrkar sikula zirtirtuten sawrkara tanpuina sum an pek chu lawmawm a tih thu School Education minister sawiin, thingtlang kilkhawr thleng pawha zirtirtu smart tak tak, zirlai fai tak tak leh sikul compound fai nuam tak hmuh tur a awm chu hmasawnna nasa tak a ni tih a sawi bawk.
Chhawmdawlna dawngtu zirlaite a lawmpui thu sawiin, an lehkha zirna kawngah, an nu leh pa leh zirtirtute thu an awihna kawngah leh an hmalam hun zel atan hmasawn puina atan hmang se a duh tih a sawi.
Students Endowment Fund hi kum 2022 atang khan MPTA hian a sem tan a. Zirlai thlanchhuahte chu Rs. 5000 theuh pek an ni. Zirlaite leh a hruaitu an chhungte chu Science Centre, State Museum leh Millenium Centre fanpui niin, t-shirt, kekawr, lukhum an pe vek bawk. Anmahni hruaitute nen an kalna tur leh haw na tur TA/DA an pe vek a, zirlai thenkhat chu Aizawl an vawikhat kalna a ni.
Fee tam tak senga private school kan pan hi a mak – Education minister
Get real time updates directly on you device, subscribe now.
Prev Post
Next Post