Fertilizer dealer license cancel sak vek dawn

una Mizorama fertilizer dealer-te thil kalpui chu dan lo a nih avangin an cancel sak anga, a tharin license an pechhuak dawn tih chief minister Lalduhoma chuan a sawi.
Mizoram State Agriculture, Horticulture, Forestry & Marketing Cooperative Federation Limited (MAHFED) hruaituten Zirtawpnia khan chief minister hi a pisa-ah an hmu a. Tuna Mizorama fertilizer dealer-ten an leitha zawrh mipui nawlpui ban phaka siam loin, to zawkin dan loa an tih ral thin avangin an license an cancel vek dawn a, a tharin license an pe chhuak dawn tih a lo hrilh.
Mipuiin an mamawh ang zat, sawrkar rate-a an lei theih ngei an duh tih sawiin, MAHFED chuan hmunhma an nei tha a, an hralh ruk a rinawm loh a, license thar pawh an hmu zui thei turah a ngai tih a lo sawi. An mamawh dang an thlen leh central lama project umzuipui an mamawhnaah pawh hlawhtlin tak tak tuma hma an la a nih phawt chuan tanpui dan dap sak a inhuam tih a hrilh bawk.
MAHFED hruaitute hian hmunhma an mamawhna thu chief minister hnenah hian thlenin, ruahmanna an siam mek pawh an hrilh a ni.