Field leh school harsatna en

Thingsulthliah Football Playground retaining wall chim vanga field zauh nana leivung hnawh chim chu nimin zing khan bialtu MLA, minister R Lalzirliana chuan a hmunah Disaster Management & Rehabilitation director nen siamthat dan tur enfiahin an tlawh.
Football playground zauh nan hian VC-ten field awmsa chu rawt hniamin retaining wall siam a ni a. Tunhnai khan retaining wall hi chimin, luikawr a hnawh avanga tui tlingin Presbyterian English School-ah harsatna a thlen a. School chhungah tui lutin khar rih a ni.
Hmalakna hmasa atan tui tling chu paihfai a, drain dan tur ngaihtuah tum a ni a. Fur a reh hunah siamthat dan ngaihtuah leh nise, tiin, tunah hian Thingsulthliah VC-ten a siamthatna tur estimate cheng nuai 35 vel an siam chu DM&R hotute nen an enho nghal a ni.