First date icebreakers

Kan ramah pawh in-date kan ching ve ta viau a, in lama inrim aia khawiah emaw inhmuhna tur ruat a, inkawm te kan ching ve tan ta. Mahse, tu nen emaw in in-date dawn a, a vawikhatna tur a nia, i zam rilru hle a, tihvak ngaihna i hre si lo em? In-date vawi khatnaa boruak ti deuh churh tihbo dan leh, hlim taka inkawm nghal theih dan a awm niin relationship lama mithiam ten an sawi kan rawn tarlang e.
1. Engtin nge bul i tan ang. Ngawih reng kha a dik si lo. A hming phuah chhan a awm em tih te han zawt ta la.
2. Nungchang mawi lantir ang che. Phone call lo chhan leh message thawn emaw chhan emaw te tih loh atan a tha.
3. A duh zawng leh ngaihnat zawng te zawt la.
4. An chhungkaw chanchin pawh tlem chu i zawt thei ang, mahse, a sawi that duh vak loh chuan zawh luih loh a fuh zawk ang.
5. Music hi a pawimawh khawp mai. A music ngainat zawng te zawt la.
6. Zak zum awm taka a awm a nih pawhin, “Zak suh” ti a, nawr luih chiam a tul lo a nia. A awm ang khan awm mai rawh se.
7. Inpahniha inawm laia tanpui ngai tuemaw an awm a nih chuan tanpui ngei rawh. Chu chuan i mark a ti tha sawt ang.
8. Tunlai thil thleng lang sar deuh te a awm a nih chuan a ngaihdan te zawt la.
9. Lawmthu sawi ching rawh. I thutna tur a siam rem sak che emaw, i chhuahna tur kawngka a hawn sak che emaw a nih pawhin, “Ka lawm e,” tih theihnghilh suh.