Florida Governor DeSantis inhnukdawk
Florida Governor Ron DeSantis chuan kum 2024 presidential race atanga a inhnuhdawh thu sawiin Donald Trump a thlawp thu a sawi.
New Hampshire-a Republican primary election neihah single digit chauh vote a hmuh hnuah a bansan thu a sawi a ni.
DeSantis hio a hma chuan party nomination hmu thei tura beiseiawm ber niin mahse Pathiannia vote chhiar hnuah ‘hnehna channa kawng a kaw lo’ tiin a sawi.
Tihian Trump chotu awm chhun chu Nikki Haley chauh niin, Halley hian amah chauh chu US President Joe Biden hneh thei awm chhun a ni a inti ve thung.
Thawhlehni hian New Hampshire ah Haley leh Trump te hi an inkhing leh dawn a, kumin November a inthlanpui neih turah Republican nominee nih an inchuh zui dawn a ni.
DeSantis chuan X a minute nga a sei video a tihchhuahah a campaign chuan theihtawp an chhuah thu a sawi a. Florida Governor chuan Iowa a 51% vote hmua chaing taka chakna chang tawhtu Trump chu a thlawp thu a sawi a. DeSantis chuan Republican voters tam ber te chuan ‘Donald Trump hun pek leh an duh tih a chiang a ni’ tiin a sawi.
Trump nen chuan ngaihdan inang lo an neih ngei thu sawiin mahse Trump chu Biden, Democratic nominee ni ngei tura ngaih aiin a chungnung zawk tiin a sawi zui bawk a. “Republican nominee thlawp turin hming ka ziah hnan a, ka tihlawhtling bawk ang,” tiin a sawi zui bawk.
Trump pawhin DeSantis chu ‘mi turu tak’ tia sawiin, “Campaign tha takin a kalpui thei a, a awlsam hauh lo” tiin a sawi bawk.
DeSantis hian campaign a neihnaah amah chu Republican candidate Trump a populist agenda te drama tel hauh lova tihlawhtling thei tiin a insawi a ni. Trump thlawptu tam tak te pawhin Florida governor chu an duh thu an sawi rualin tun inthlan erawh a hun a la ni lo an ti.
DeSantis an thutlukna a siam hnuah Trump campaign te chuan Republicans tin te chu Trump thlawp tura ngenin Nikki Haley chu ‘globalist leh Democrat candidate America First movemnet ti tawptu tur’ tiin an sawi zui nghal bawk a.
DeSantis pawhin Haleychu sawiselin ‘old Republican guard of yesteryear’ tiin a sawi bawk. Haley hi South Carolina governor hlui niin amah erawh chuan conservative candidate Biden hneh thei tur awm chhun a inti ve thung a.
“Tun inelnaah hian mi pahnih kan awm a. Chu chu kan duh dan a ni chiah a, kan kal zel ang,” tiin CNN tena an interview-naah a sawi.
Iowa caucuses-ah khan DeSantis an 21% vote a hmuh laiin Haley chuan 19% chauh a hmu a, an pahnihin Trump an thlauhna chu turu tak a ni. A tirah chuan DeSantis chuan pahnihna a chang chu hnehna tiin a sawi a, mahse, conservative evangelical voters te hui tuma rei tak a rim hnu pawha a dinhmun diktak chu chhia a ti ta deuh a ni.