FLOTUS documentary Amazon Prime Video-ah
First Lady of the United States Melania Trump leh Amazon Prime Video chuan dollar maktaduai 40-in Melania chanchin behchhanin documentary film siamna tur an inrem a, he documentary hi kumin kum laihawla tlangzarh tur a ni a, White House-a a term hnihna atana Donald Trump rawn kir leh tur boruak vel a Melania hun hman dan vel te tarlan a ni ang. He documentary hi Brett Ratner direct tur a ni a, Melania Trump hi executive producer a ni nghal ang a, Donald Trump leh an fapa Baron Trump te pawh an inlan ve zuai dawn niin report a awm. Nikum November thla atang khan production an lo tan tawh a, White Hous kir leh tura an inbuatsaih dan vel te pawh an tarlang dawn a ni.
Fox & Friends interview-ah Melania Trump chuan he project hi White House-a kir leh tura a nitin inbuatsaih dan vel tarlanna a ni deuh ber niin a sawi a, First Lady office a thawk tur a thlan khawm dan te, White House-a an insuan luh thar leh dan te pawh an tarlang ang.
Melania chuan he documentary hi a memoir ‘Melania’ a hlawhtlinnain a hrin niin a sawi a, “Lehkhabu kha a hlawhtling viau a, lawmawm ka ti, chhiar nuam an tih thu leh hriat belh zel an chak thu message leh lehkhathawn tam tak ka dawng a. Chuta tang chuan movie siam rilruah a rawn awm a, ka nun behchhan film. Ka nun hi a ngaihnawm ve a nia. Buai ve thei tak mai ka ni,” a ti.
2022 khan Melania Trump chanchin bechhan film tawi ‘Melania’ tih an lo tlangzarh tawh a, hetah hian Slovenian thingtlang khaw nula atanga First Lady of the United States a nih dan te tarlan a ni.
FLOTUS documentary Amazon Prime Video-ah
Get real time updates directly on you device, subscribe now.
Prev Post