Football titi

c Poland striker Robert Lewandowski chuan Saudi Pro League emaw Major League Soccer emaw zawk zawk pan theihna hun remchang a neih chu a hnar a. Kum 35 mi hian Barcelona-ah a la hlim tawk hle niin a sawi. (AS – in Spanish)

c Uefa chuan Women’s Champions League khelh dan phung thenkhat thlak danglam an tum a. Tih danglam an tum lian zual zingah inel thei zat tihpun a tel. (Times – subscription required)

c Nice leh France defender Jean-Clair Todibo chuan tihsual neih a duh loh vangin nipui bazar inhawn lai khan Manchester United a zawm duh tak loh thu a sawi. (L’Equipe – in French)

c Barcelona chuan manager Erik ten Hag nena boruak tha lo tak a neih vanga Old Trafford chhuahsan duh Manchester United leh England winger Jadon Sancho an ngaihven. (Sport – in Spanish)

c Arsenal chuan January thlaah Ghana midfielder Thomas Partey an hralh ngei hmel a, Juventus chu Partey club thar tur a nih hmel viau bawk. (Football Insider)

c Inrinniah Tottenham hneh lova an tlawm leh tak vangin Sheffield United chuan an manager Paul Heckingbottom ban mai an tum ta a. A hmunruak luahtu atan an manager hlui Chris Wilder lak an tum. (Mail)

c Arsenal leh Norway midfielder Martin Odegaard te chu contract thar chungchang ah an inrem thei hnai a. Kum 24 mi Odegaard chawlhkar khatah £200,000 chuang hlawh theihna tur kum li daih contract a ziak ang. (Football Insider)

c Everton chuan nipui bazar inhawn laia an lak fel hman tak loh Leeds leh Italy winger Wilfried Gnonto chu lak an la duh reng. (Football Insider)

c Bayern Munich leh Real Madrid te chuan nipui bazar inhawn leh hunah an manager thar atan Spain midfielder hlui Bayer Leverkusen boss ni mek Xabi Alonso an inchuh dawn. (Mundo Deportivo – in Spanish)

c Luka Modric-a professional club hmasa ber Dinamo Zagreb chuan January thlaah Croatia midfielder hi an hnenah hruai let leh an tum dawn. (90min)

c Tottenham in January thlaah lak tum nawn leh dawn mah se Conor Gallagher chu a khelh mekna Chelsea-ah a hlim rih hle. (Football Insider)

c Barcelona leh Manchester United in lak an tum Frenkie de Jong te chu contract thar chungchangah an la indawr lo. Barca a Netherlands midfielder contract neih mek hi 2026-ah a tawp dawn. (Marca – in Spanish)

c Barcelon in ngaihven in, nipui bazar inherchhuah leh rualin contract hmang zo dawn tawh mah se Athletic Bilbao chuan Nico Williams chuan contract thar a ziah leh ngei a ring. (Sport – in Spanish)

c Liverpool leh Manchester United te pawhin Williams hi lak an duh ve bawk. (Football Transfers)

c Bayern Munich in January thlaah Fulham atanga Joao Palhinha an lak theih loh thut takin Manchester United leh Scotland midfielder Scott McTominay chu German champion in an lak tum zingah a tel tih puanzar a ni. (Mirror)

c Liverpool leh Barcelona ten January thlaah lak tuma an hel mek Athletic Bilbao leh Spain winger Nico Williams chu Aston Villa in lak tumin an ngaihven ve leh. (Diario AS – in Spanish)

c Brighton chuan Boca Juniors left-back Valentin Barco chu thlasik bazar inhawn hmain lak tumin hma an la dawn. (Sun)

c EPL club pahnih West Ham leh Crystal Palace te chuan nipui bazar in hawn laia an lak theih tak loh Paris St-Germain striker Hugo Ekitike chu lak tumin January thlaah hma an la thar leh dawn. (Football Insider)