Football titi

c Arsenal chu January thlaah England striker Ivan Toney lak tuma ngaihven turin an inhmakhua a. Kum 27 mi hi Brentford in £60m an chhiar tura ngaih a ni. (Mirror)

c Brentford hian an forward pawimawh Toney an hralh lo a nih pawhin Wolfsburg striker Jonas Wind, AZ Alkmaar Greece forward Vangelis Pavlidis leh Santos striker Marcos Leonardo te chu lak tuma an ngaihven zingah an tel. (90 Min)

c Manager Mauricio Pochettino nen an titi hnuin Spain defender Marc Cucurella chuan January thlaah Chelsea a chhuahsan rin a ni. (Sun)

c Roma chuan Chelsea atanga an hawh Belgium striker Romelu Lukaku chu a ngheta lak luh zui an duh a. Lukaku manah hian England striker Tammy Abraham kal teltir turin tawktarh siam an tum. (Calcio-mercatoweb – in Italian)

c Real Madrid chuan season tawp ruala chhuah tum Carlo Ancelotti hmunruak luahtu atan Bayer Leverkusen manager Xabi Alonso an duh. (Radio Marca via Mirror)

c Chief executive Beppe Marotta chuan Inter Milan defender Federico Dimarco chu contract thar chungchangah dawr thuai an thum thu sawi. (Radio Anch’Io Sport via Gazzetta dello Sport)

c England defender Fikayo Tomori chuan nipui bazar inhawn lai khan Paris St-Germain zawm theihna hun remchang a neih a hnar a, AC Milan-a cham chhunzawm a thlang. (Calciomercato – in Italian)

c Jadon Sancho-a’n Manchester United-a a khelhpuite chuan manager Erik ten Hag hnenah ngaihdam dil a, an inkar siamtha turin an nawr. (Mirror)

c Professional Footballers’ Association (PFA) chuan Sancho leh Ten Hag te inkar a that theih nan hma lak an huam. (Times – subscription)

c West Ham chuan Saudi Pro League club Al Ettifaq kianga training nei mek England midfielder Jesse Lingard chu an ngaihven zui tawh lo. (Athletic – subscription)

c Tottenham chuan Argentina midfielder Giovani lo Celso chu January thlaah hralh chhuah an hnial lova, a man atan 15m euros (£13m) an chhiar. Kum 27 mi hi Barcelona leh Real Betis ten an ngaihven. (Sport – in Spanish)

c A club thar Manchester United a bul tan tha lo tak Andre Onana-a’n chhuah duha a nei a nih chuan United hian Atletico Madrid leh Slovenian goalkeeper Jan Oblak lak an tum dwwn. (Fichajes – in Spanish)

c Everton leh Manchester United te chu kum 19 mi Blackburn midfielder Adam Wharton ngaihven zingah an tel. (Alan Nixon via Teamtalk)

c Liverpool chuan January thlaah Spanish midfielder Thiago Alcantara dawrtu an awm a nih chuan an dawrna pawm an tum. (Football Insider)

c Liverpool chuan Newcastle midfielder Bruno Guimaraes-a’n St. James Park a cham chhunzawm turin a thuphungin inremna nei tawh mah se lak tumin an la ngaihven chhunzawm zel rih. ngaihven chhunzawm reng tho. (Fabrizio Romano via Caugh-toffside)

c Pathianni zana an khingpui Newcastle United lakah 8-0 ngawtin tlawm bawk mah se Sheffield United manager Paul Heckingbottom chu a dinhmun a la him rih. (Talksport)

c Paris St-Germain chuan an forward pawimawh Kylian Mbappe-a’n a contract hmang zo dawn tawh mah se, contract thar chungchangah an la dawr leh lo. Mbappe hi Real Madrid chuan lak tumin an la ngaihven reng. (Le Parisien – in French and subscription required)

c Arsenal leh Manchester City ten ngaihven bawk mah se Ivory Coast defender Ousmane Diomande chu Sporting Lisbon ah a la hlim tawk a, chhuah tumna a nei lo. (O Bola – Portuguese)

c Everton chuan chuan Belgium midfielder Adnan Januzaj ngaihven thar leh an tum. Kum 27 mi hi thlasik bazarah Sevilla chuan Blues hnenah hralh an phal. (Fichajes – in Spanish)

c AC Milan leh English defender Fikayo Tomori chuan nipui bazar Paris St-Germain inhawn lai khan a zawm duh lo. (Calciomercato – in Italian)