Football titi
c Inter Miami in MLS play-off an khel phak lo a nih chuan Barcelona chuan an forward hlui Lionel Messi chu loan in lak let an tum dawn. (Sport, via Mail)
c Chelsea chuan an awh tak Nigeria striker Victor Osimhen-a’n Napoli-ah contract thar a ziah dawn leh dawn loh nghah rih an tum. Kum 24 mi Osimhen-a aiawh ten Napoli-ah an cham chhunzawm dawn em tih chungchangah thutlukna an la siam thei rih lo. (90 Min)
c Denmark midfielder Pierre-Emile Hojbjerg chuan Tottenham khelhna hun tam zawk pek an tiam thei lo a nih chuan chhuah a duh a. Kum 28 mi hi Juventus in an ngaihven hle. (Gazzetta, in Italian – subscription required)
c Chelsea chuan kum 15 mi New York Red Bulls leh American winger Julian Hall lak an duh a. Manchester United, Manchester City, Real Madrid leh Bayern Munich ten an chuhpui ngei tura ngaih a ni thung. (Standard)
c Liverpool chuan Sporting Lisbon’s Portugal defender Goncalo Inacio chu January thlaah nasa zawkin an ngaihven dawn a. Inacio contract ah a lakchhuah theihna zat atan £52m dah a ni. (Football Insider)
c German World Cup winner Jerome Boateng chu Bayern Munich nen an indawr puitlin theih loh vangin club nei lovin a awm chhunzawm zel rih. (Sun)
c Manchester United chuan January thlaah right-back lak luh an duh a. Paris St-Germain defender Nordi Mukiele chu manager Erik ten Hag-a’n lak a rilruk. (Football Transfers)
c Brighton chuan English striker Danny Welbeck nen contract thar chungchangah indawr turin ruahmanna an siam. (Football Insider)
c Crystal Palace defender Tyrick Mitchell chuan ram tan a khelhna thlakin, England aiah Jamaica tan khelh zawk tum ruh ta hle. (Mail)
c Bradford City chuan manager Mark Hughes thlaktu tur an zawng a, Steve Thompson leh Neil Redfearn te chu lak an tum zinga langsar an ni. (Star)
c Inter Miami head coach Tata Martino chuan an player pawimawh Lionel Messi leh Barcelona sawi zawm an nih chungchang chu engmah a hriat ve loh thu a sawi. (Goal)
c DC United a chhuahsan hnuin Wayne Rooney chu Championship club Birmingham City manaer thar ni tura rinkai zingah a tel. (Times)
c Rooney hian Birmingam City a enkawl dawn a nih chuan England tana a khelhpui thin Ashley Cole bakah Manchester United player hlui John O’Shea te amah puibawm turin hruai luh tel ve a tum. (Mirror)
c Arsenal leh Brazil forward Gabriel Jesus chuan Napoli nen Nigeria striker Victor Osimhen inthleng nan hman a ni mai thei. (Express)
c Vawi thum an tlawm zawn vanga top three-a an tel phak tak loh vangin Ajax chuan an head coach Maurice Steijn hma lam hun tur chungchang an ngaihtuah ho dawn. (Fabrizio Romano)
c Manchester United chuan Palmeiras midfielder Luis Guilherme leh Flamengo winger Lorran te an hmutai a. Brazil rawlthar pahnih la turin £100m chuang zet an sen a ngai dawn thung. (Star)
c Inrinni zana an mikhual Brentford lakah khan tlawm zui ta se chuan Manchester United boss Erik ten Hag-a dinhmun a him lo zui viau dawn. Ten Hag tan chuan Scott McTominay kha chhan himtu ropui a tling hial a ni. (Express)
c Sevilla chuan Pathianni a an ban tak manager Jose Luis Mendilibar hmunruak luahtu tur an hmuh thuai an inbeisei. Jose Luis Mendilibar Europa League-ah champion pui bawk mah se La Liga season thara vawi riat an khelhah vawi hnih chiah chakpui vangin an ban zui ta tho a ni. (AS – in Spanish)
c AC Milan chuan France striker Olivier Giroud chu official squad-a goalkeeper zingah an ziak tel. Kum 37 mi Giroud hian inrinni zana Genoa an hmachhawn tumin minute 97-na atangin goal a veng a. Save tha tak a neih vangin AC Milan hi an chak zui ta nghe nghe. (FourFourTwo)
c Brentford chuan January thlaah £15m sengin Sun-derland winger Jack Clarke lak an tum dawn. (Alan Nixon via Chronicle)
c RB Leipzig, Bayern Munich leh Germany national team-a coaching hna lo thawk tawh German Danny Rohl chu Sheffield Wednesday manager thar thar ni tura rinkai zingah a tel. (Mail)
c Chelsea, Newcastle leh Crystal Palace forward hlui Loic Remy chuan kum 36 mi lek ni chungin football a chhawlhsan thu a puang. Remy hi nipui bazar lai khan Brest in an chhuah zalen a, club zawm nei tawh lovin a chawl zui ta a ni. (Sun)