Football titi

c German champions Bayern Munich chuan January thlaah Manchester City leh England midfielder Kalvin Phillips lak an rilruk a. Manager Thomas Tuchel chuan Phillips hian an midfield a thuamchak leh zual theih a beisei. (Sun)

c Manchester City chuan Real Madrid leh Germany midfielder Toni Kroos chu a contract tawp hun nipui bazar inhawn leh hunah lak an duh a. Kum 33 mi hi season khatah £13m hlawhtir an huam. (Mundo Deportivo – in Spanish)

c Newcastle United chuan nipui bazar inhawn leh huna lak atan Arsenal leh England midfielder Emile Smith Rowe an hual. (Express)

c Arsenal Under-18 head coach Jack Wilshere chu Major League Soccer club Colorado Rapids manager thar ni thei zingah a tel. (Telegraph – subscription required)

c Manchester City chuan RB Leipzig leh Spain forward Dani Olmo lak tuma intlansiak zingah hma an hruai. Kum 25 mi hi Real Madrid, Arsenal leh Chelsea te pawhin an ngaihven tih hriat a ni. (Mundo Deportivo, via Goal)

c West Ham United leh France defender Kurt Zouma chu Saudi Pro-League club in January thlaah lak an tum a. Hammers chuan Zouma hmunruak luahtu tur an thlithlai nghal a, Manchester United leh England centre-back Harry Maguire leh Bayer Leverkusen defender Edmond Tapsoba te chu an mi duh an ni tih an tichiang. (90min)

c Manchester City, Arsenal leh Tottenham te chuan Belgium Under-21 midfielder Arthur Vermeeren chungchangah Royal Antwerp an be hlawm. (90min)

c Manchester United, Chelsea leh Bayern Munich te chuan Schalke midfielder Assan Ouedraogo an thlithlai hlawm. (Teamtalk)

c West Ham chuan Brazil midfielder Lucas Paqueta chu contract thar ziak leh ngei turin an duh. (Teamtalk)

c Manchester City, Arsenal leh Burnley te chuan New England Revolution leh England Under-19 midfielder Noel Buck lak an duh hlawm. (Athletic)

c Manchester City leh Manchester United te chuan kum 16 mi Sunderland goalkeeper Matthew Young an ngaihven. (i – subscription required)

c Liverpool in Lecce aTanga lak an tum Nigerian defender Dane Patrick Dorgu chu Manchester City leh Barcelona ten an chuhpui ngei dawn. (Gazzetta dello Sport, via FourFourTwo)

c Real Madrid chuan German defender Malick Thiaw chu AC Milan aTangin lak an tum a, a manah £17.3m sen an huam. (Mundo Deportivo – in Spanish)

c UK government chuan Euro 2028 thlenna tur khelmual pakhat Casement Park, Belfast sak zawh nan sum bek an tum. (Star)

c Streaming service DAZN chuan Premier League inkhel pekchhuah ve tumin hma an la dawn. EPL live broadcasting right hi thla tharah khian lilam thar leh dawn a ni a, hemi hunah hian DAZN hian chan ngei an tum dawn. (Mail)