Football titi
c Liverpool leh Newcastle United te chuan England forward Jarrod Bowen dinhmun an thlithlai reng. Bowen hi West Ham nen contract thar chungchangah an indawr naa, an indawrna in hma a sawn muang viau thung. (Talksport)
c Arsenal chuan lak tuma an lo dawr hlawhchham fo tawh Brazil midfielder Douglas Luiz chu Aston Villa atanga lak tumin an ngaihven chhunzawm zel. (90min)
c Chelsea leh Manchester City te chuan Inter Milan leh Italy defender Alessandro Bastoni lak an rilruk. (Mirror)
c Everton rochuntu tur a chian loh vangin Al-Ettifaq in lak tuma an ngaihven England striker Dominic Calvert-Lewin hma lam hun a chian theih loh phah. (Football Insider)
c Manchester United chuan January thlaah Jadon Sancho hralh ngei an tum dawn a. England winger hian United-a a career 90% zet chu a hmang zo der tawh. (Fabrizio Romano’s Daily Briefing)
c Fiorentina leh Argentina winger Nicolas Gonzalez chu season tharah mit la taka a inlan vangin Premier League club ten an hmutai hlawm hle. (Gazzetta dello Sport – in Italian)
c West Ham chuan an tlarhma thuam chak an tum a, AZ Alkmaar leh Greece forward Vangelis Pavlidis an thlithlai. (90min)
c Manchester City chuan England midfielder Kalvin Phillips chu January thlaah chhuahtir an rilruk a, Phillips hian manager Pep Guardiola duhsak a hlawh phak tawh lo. (Fabrizio Romano)
c Bayern Munich, Juventus leh Liverpool te chu Kalvin Phillips lak tum zingah an tel. (Sky Sports Deutschland – in German)
c Sevilla chuan Manchester United leh Tunisia midfielder Hannibal Mejbri an thlithlai. (Caught Offside)
c Barcelona leh Real Madrid in ngaihven bawk mah se Manchester City chuan Argentina forward Julian Alvarez chu an hnenah a cham chhunzawm ngei an ring. (Football Insider)
c Burnley leh Kosovo goalkeeper Arijanet Muric ngaihven zingah Union Berlin leh Sevilla an tel. (Sky Sports Deutschland)
c Lille centre-back Tiago Djalo chu a clun hlui AC Milan, Inter Milan leh Juventus ten an ngaihven hlawm. Portugal Under-21 international hian nipui bazar inhawn hunah contract a hmang zo dawn. (Gazzetta dello Sport – in Italian)
c Ajax chuan Manchester United assistant manager Mitchell van der Gaag chu coach Maurice Steijn thlaktu atan lak tum mah se an hlawhtlin hmel loh. (Mail)
c Bournemouth boss Andoni Iraola chu club nen a hma lam hun chungchangah an indawr dawn a. Premier League 2023-24 a manager ban hmasak ber ni thei dinhmunah a ding mek. (Sun)