Football titi

c English right-back Djed Spence chuan Tottenham Under-21 team kiangah training a nei mek a. Loan a khelhna Leeds United atangin kir tawh mah se loan bawkin a chhuah leh rih hmel. (Football London)

c AC Milan chuan Hellas Verona forward Cyril Ngonge an ngaihven a. Ngonge hi Aston Villa nen pawh sawi zawm an ni. (Tutto Mercato)

c Ajax chuan England midfielder Jordan Henderson chu Saudi Pro League club Al-Ettifaq atanga lak tumin an ngaihven a. Premier League club leh Bundesliga club te nen an inchuh a ngai dawn thung. (ESPN)

c Al-Ettifaq hi January thlaah Henderson hralh turin emaw, loan a chhuahtir turin emaw hmin theih an la ni rih lo thung. Manager Steven Gerrard leh sporting director Mark Allen ten Henderson chungchang sawi dun thuai an tum. (Talksport)

c Manchester United leh England winger Jadon Sancho chu a club hlui Borussia Dortmund-ah loan in a kir leh dawn a. Dortmund hian a ngheta Sancho la turin an tlin lo thung. (Mirror)

c Bayern Munich chuan Tottenham in lak an tum kum 21 mi Genoa defender Radu Dragusin lak tumin an dawr. (Sky Sports)

c Paris St-Germain president Nasser Al-Khelaifi chuan season tawp ruala contract hmang zo tur France striker Kylian Mbappe chu an hnena cham chhunzawm turin a duh. (RMC Sport – in French)

c Serbian midfielder Nemanja Matic chu a khelh mekna Rennes-ah a hlim lo hle a, kum 35 mi hi Premier League-ah a kir leh mai thei a, football a chawlhsan tawh mai thei bawk. (L’Equipe – in French)

c Paris St-Germain chuan January thlaah Bayern Munich atanga Germany midfielder Joshua Kimmich lak tumin hma an la. (Sky Germany – in German)

c Newcastle United chuan Ligue 1 club lian Paris St-Germain in January thlaah Brazil midfielder Bruno Guimaraes lak tumin engtiang pawhin dawr pawh nise hnar vek an tum. (i)

c Kum 31 mi Aston Villa midfielder, Qatari club Al-Duail-ah loan a khel mek Philippe Coutinho chuan Lionel Messi khelhna Inter Miami a zawm dawn. (Sun)

c Fulham chuan kum 25 mi AZ Alkmaar leh Greece striker Vangelis Pavlidis an thlithlai a. Pavlidis hi Chelsea, AC Milan leh Barcelona ten an thlithlai ve bawk. (Evening Standard)

c Leicester City manager Enzo Maresca chuan Inter Milan leh Italy midfielder Stefano Sensi lak a duh. (Sky Sports Italy – in Italian)

c Juventus chuan English winger Samuel Iling-Junior-a aiawhte chu contract thar chungchangah dawr thuai an duh a. Kum 20 mi Iling-Junior hian kum 2025-ah contract a hmang zo dawn. (Tuttosport – in Italian)