C Real Madrid in an hnen pan tura an sawmna, an tawktarh siam chuan Paris St-Germain forward Kylian Mbappe leh atana thawktute a hmin zo lo. Real Madrid hian May 2022-a tawktarh an siam aia tlem Mbappe lakah hian tawktarh thar an siam. (Athletic – subscription required)
-- Advertisement --
C Jurgen Klopp hmunruak luah a, Liverpool manager thar ni thei tura sawi zingah tel bawk mah se Tottenham chuan an manager Ange Postecoglou chu an hnenah a cham chhunzawm ngei an ring. (Telegraph – subscription required)
C West Ham chuan an manager David Moyes nen contract thar chungchanga an indawrna an tikhawtlai rih a. Inelna hrang hrangah khelh 7 chhung zet chak an nei lo zawn tawh tihtawp dan ngaihtuahin an insawrbing rih. (Mail)
C Manchester City leh Portugal midfielder Bernardo Silva chu Paris St-Germain in lak an tum a. French champion hian Silva lak chhuah theihna zat £51m sen an inhuam. (Fichajes – in Spanish)
C Manchester United chuan Bayern Munich defender Matthijs de Ligt an ngaihven. Kum mi Netherlands international hi Bayern-a a dinhmunah a lungawi lo. (Sun)
C Arsenal pawhin De Ligt hi an ngaihven ve reng bawk a. Mahse, lak tuma intlansiaknaah Manchester United in hma an hruai rih thung. (Football Transfers)
C Manchester United hian Bayer Leverkusen defender pahnih an mitmei bawk a. Red Devils boss Erik ten Hag keen chuan Netherlands right-back Jeremie Frimpong leh Burkino Faso centre-back Edmond Tapsoba te lak a duh. (Manchester Evening News)
C Ten Hag hian United thuneitu hnenah Inter Milan leh Argentina striker Lautaro Martinez lak a lo dil tawh bawk. (Fichajes – in Spanish)
C Arsenal leh Liverpool te chuan Portugal winger Pedro Neto chu Wolves a\anga lak tumin an ngaihven. Wolves hian an sum leh pai dinhmun vangin an player pawimawh hi hralh an hnial lo ve bawk. (Fichajes – in Spanish)
C Chelsea chuan Bayern Munich leh Canada full-back Alphonso Davies rualin Bournemouth leh Hungary left-back Milos Kerkez an thlithlai tel bawk. (Football Transfers)
C Fulham chuan January thla khan Borussia Dortmund striker Sebastien Haller lak an tum a. Kum 29 mi hian Afcon an khelh turah insawrbing a duh vangin EPL club sawmna a hnar. (Fabrizio Romano)
C Barcelona chuan hlawha an sen tihniam an tum a, Denmark defender Andreas Christensen leh Brazil winger Raphinha te hralh an tum zingah an chhawpchhuak. (Mirror)
C Bayern Leverkusen manager Xabi Alonso chu Barcelona in an manager thar atan an duh a. Real Madrid leh Liverpool te pawhin an manager thar atan an awt ve bawk. (Sport – in Spanish)
C An player pawimawh Kylian Mbappe a chhuak dawn a nih chuan Paris St-Germain chuan forward thar lak tura an duh zingah AC Milan & Portugal winger Rafael Leao leh Napoli & Nigeria striker Victor Osimhen te an telh. (La Repubblica – in Italian)
C Porto leh Iran striker Mehdi Taremi chuan nipui bazar inhawn hunah free transfer-a Inter Milan zawm turin medical test a hmachhawn dawn. (Fabrizio Romano)