c Manchester United chuan Chelsea hmakhalhin Watford left-back Harry Amass lak ngei an tum. (Evening Standard)
-- Advertisement --
c Real Madrid chuan Erling Haaland chungchang an ngaihven thar leh a. Goal thun lama inthlahrung eih lo Haaland hi kum 2024 nipui bazar inhawn hunah 240m euros (£212m) vel bawrin a lak theih dawn a. Hemi hunah hian Real Madrid hian Manchester City atanga lak tumin hma lak nghal chat an tum. (AS – in Spanish)
c Bayern Munich chuan an manager Julian Nagelsmann ban turin thutlukna an siam a, Chelsea manager hlui Thomas Tuchel chu Bayern Munich manager thar ni tura rinkai ber a ni. (Bild – in German)
c Tottenham chuan an hnen atanga chhuah tum Antonio Conte thlaktu atan Bayern chhuahsan tur Nagelsmann lam an hawi dawn. (Football.London)
c Season tawp ruala contract hmang zo tur Roma manager Jose Mourinho chu club thuneitute nen club tana ruahmanna chungchang sawihoin an inhmu. (Sky Italy)
c Argentina forward Lionel Messi-a’n contract thar a ziak lo a nih chuan Paris St-Germain chuan AC Milan leh Portugal attacker Rafael Leao lak an tum dawn. (Calciomercato – in Italian)
c Chelsea, Manchester City leh Newcastle United te chuan nipui bazar inhawn hunah Juventus winger Samuel Iling-Junior lak an rilruk hlawm. (90min)
c Club neitu thar tur an tihchian hunah England striker Marcus Rashford chu contract thar ziak turin dawr a ni leh dawn a, tun rih chuan an indawrna tihkhawlai rih a ni. (Sun)
c Barcelona leh Spain Under-19 winger Ilias Akhomach lak tuma intlansiak Leeds United, AC Milan leh Sevilla te chu Arsenal in an fin a. Gunners hi intlansiak zingah an tel thar ve leh. (Sport – in Spanish)
c Manchester City chuan Hajduk Split centre-back Luka Vuskovic lak tumin hma an la a, Paris St-Germain in kum 16 mi hi an rawn ngaihven thar ve leh tak vangin inelna hautak an hmachhawn a ngai dawn thung. (Fabrizio Romano)
c Everton chuan Newcastle United in lak tuma an ngaihven kum 19 mi Brazilian striker Giovani, Palmeiras tana khel mek chu an ngaihven thar ve leh. (ESPN Brazil – in Portuguese)
c Everton chuan nipui bazar inhawn hunah hralh turin French striker Neal Maupay an chhawpchhuak dawn. (Football Insider)
c Argentina forward Lionel Messi-a’n a khelh mekna Paris St-Germain chhuahsanin, a club hlui Barcelona lama a kir leh a rinawm leh zual. (90min)
c Premier League atanga an tlahniam a nih chuan Southampton striker Che Adams chuan club a chhuahsan thei dawn. Leeds United chuan kum 26 mi Scotland international hi an ngaihven. (Football Insider)
c Manchester United leh Sweden defender Victor Lindelof chuan season tawp hunah thutlukna siam a tum. (Mirror)