Football titi

C Tottenham chu kum 18 mi Leeds United rawlthar midfielder Archie Gray lak tuma intlansiak zingah an tel thar a. England Under-21 international Gray hi Liverpool pawhin an ngaihven hle. (Football Insider)

C Newcastle chuan si nghak kum naupang zawk lak tur an dap a, Arsenal leh England Aaron Ramsdale nen sawizawm thar leh an ni. Ramsdale hian David Raya a nekchhuah zawh loh vangin Arsenal chhuahsan a hreh lo. (Mail)

C Newcastle hian sum leh faia inkhuahkhirhna bawhchhe si lova an squad thuam chak turin an player neih sa hralhna hmanga sum tuak an mamawh a. Magpies hian Arsenal emaw Tottenham emaw zawk zawkin Sweden striker Alexander Isak chu £100m velin an lei ngam mai an ring. (Sun)

C Nottingham Forrest chuan England Under-21 midfielder Morgan Gibbs-White lak tuma ngaihven mek Tottenham leh Newcastle te chu kum 24 mi lak nan £50m chuang an sen ngei a ngai dawn tih an hrilh. (Football Insider)

C West Ham chuan Everton leh Belgium midfielder Amadou Onana an la duh tak zet a nih chuan £60m an sen ngei a ngai dawn. (Football Insider)

C Manchester City chuan England midfielder Kalvin Phillips chu nipui bazar inhawn hunah a ngheta hralhchhuahna tur an ngaihtuah rin a ni a. Kum 28 mi Phillips hi £30m an chhiar ang. (Mail)

C Arsenal leh Newcastle scout te chuan Porto striker Evanilson an thlithlai a, a rual hian a khelhpui Argentina midfielder Alan Varela pawh an thlithlai tel bawk. (HITC)

C Brighton manager Roberto de Zerbi chu Bayern Munich in an manager kalchhuak tur Thomas Tuchel hmunruak luah tura an duh zual pathum zingah a tel. (Times – subscription required)

C Liverpool, Tottenham leh AC Milan te chuan nipui bazar inhawn hunah free transfer-a lak theih tur Fulham defender Tosin Adarabioyo an inchuh dawn. (Sun)

C 2020 a Old Trafford a pan hnuah khelhna hmun a chan theih loh vangin Uruguay winger Facundo Pellistri chuan nipui bazar inhawn hunah Manchester United a chhuahsan ang. (Mirror)

C Real Madrid chuan Chelsea leh England right-back Reece James lak an duh a. Mah se, kum 24 mi James hian kum li lai contract a la neih vangin lak a harsa dawn viau thung. (Fichajes – in Spanish)

C Plymouth Argyle chuan an manager ban tak Ian Foster hmunruak luah lailawktu atan Neil Warnock ruat an tum. (Sun)

C Barcelona leh Spain defender Marcos Alonso chuan nipui bazar inhawn hunah fres transfer in Calatan club lian a chhuahsan rin a ni a. Full-back Sergi Roberto pawh free transfer in a chhuah ve hmel bawk. (Fabrizio Romano)

Barcelona leh Paris St-Germain player hlui Neymar chuan Saudi Arabia club Al-Hilal a contract a hman zawh hun 2025-ah an ram Brazil-ah kirin, Santos zawm a rilruk. (Goal)

Barcelona chuan Palmeiras atanga Brazil Under-17 player pawimawh Estevao Willian lak an tumna bansan an tum a. Kum 16 mi Willian, ‘’Messinho’ an tih mai hi Chelsea leh Paris St-Germain ten an ngaihven hle. (Sport – in Spanish)