Football titi

C Newcastle United chuan Everton a kum khat chiah contract nei tawh England striker Dominic Calvert-Lewin an la lut thei tep tawh. (Guardian)

C Newcastle hian Wolvesa atangin English centre-back Max Kilman lak an duh a. Kum 27 mi lak nan hian sumfai bakah player pek tel an phal. (Telegraph – subscription required)

C Chelsea chuan Lille-ah kum khat chiah contract nei tawh Canada striker Jonathan David lak tumin an ngaihven a, David aiawh an bia. Blues hian nipui bazar inhawn chhungin an tlarhma thuamchak viau an tum. (Athletic – subscription required)

C Manchester City leh Manchester United te chuan Bayern Munich zawm mai tura ngaih Crystal Palace winger Michael Olise lak tumin an ngaihven leh hnuhnawh a. Manchester khaw club te hian Olise an lei fel thei a nih chuan season khat chu Palace-ah hian loan a awm chhunzawm tir an phalsak ve ve bawk. (Mirror)

C Manchester United in Erik ten Hag an rawih chhunzawm dawn tak vangin England striker Marcus Rashford chuan manager nen an inkar tha lo siamthat a duh. (Sun)

C Everton in an dilna an hnar vangin Manchester United chuan England defender Jarrad Branthwaite lak an tum tawh dawn rih lo a. Everton hi an sum dinhmun a tha lo tih an hriat chian vangin man tlawm zawka Branthwaite lak theihna hun remchang an neih leh tho erawh an ring thung. (Mail)

C Everton chu Newcastle nen kum 19 mi Gambia winger Yankuba Minteh chungchangah an indawr. (HITC)

C Aston Villa chuan Real Sociedad hnenah Spain midfielder Brais Mendez lak an dil. (Express)

C Tottenham chuan an defender pawimawh Cristian Romedo chu chelh chhunzawm an tum a. Real Madrid emaw club dangah emaw chhuahtir tumna an nei lo. (Football Insider)

C Brighton chuan Galatasaray atanga Turkey winger Baris Alper Yilmaz lak tumin an ngaihven. (Telegraph – subscription required)

C Juventus chuan Manchester United atangin England forward Mason Greenwood lak ngei an duh a. Greenwood manah hian Italy forward Federico Chiesa pek tel an phal. (La Gazzetta dello Sport – in Italian)

C Netherlands forward Xavi Simons chuan Paris St-Germain hnenah chhuah a duh thu a hrilh a, Bayern Munich chuan loan a hawh phawt a, lak ngheh zui an duh a. RB Leipzig pawhin season liam taa an lo hawh tawh Simons hi lak nawn leh an inbeisei ve viau bawk. (Fabrizio Romano)

C Germany defender Joshua Kimmich chuan Bayern Munich a contract a neih mek 2025 thleng daih bak pawh sei a tum tawh lo a. German club Bayern hian Kimmich hi nipui bazar inhawng mekah hian hralh an pawiti lo. (Sky Sport Germany)

C Inter Miami chuan Manchester United chhuahsan ta French defender Raphael Varane lak luh an duh. (Mirror)

C Wolves chuan an defender Max Kilman manah £45m an chhiar a. West Ham chuan kum 27 mi hi £25m tawktarhin an dawr tan ve thung. (Guardian)l

C Brazil midfielder Douglas Luiz chuan Aston Villa atangin Juventus a zawm fel thei tep tawh. Juventus hian Luiz manah sum fai £25m an sen bakah English winger Samuel Illing-Junior leh Argentine midfielder Enzo Barrenechea te an pe tel dawn. (Mail)