Football titi

C Chelsea chuan EPL in sum leh pai inkhuahkhirhna dan an bawchhe dawn lo nia a lan tak vangin Tottenham nena sawizawm Chelsea midfielder Conor Gallagher chuan Stamford Bridge a chhuahsan a rinawm ta lo.(Football Insider)

C Real Madrid chuan an elpui lian Barcelona hmakhalhin kum 21 mi Bayer Leverkusen leh Germany midfielder Florian Wirtz la turin an inringtawk hle. (Sport – in Spanish)

C Argentina goalkeeper Emiliano Martinez chuan nipui bazar liam ta khan Manchester United in Aston Villa atangin an la lut teuh hman viau a. Manager Erik ten Hag chuan a mah aiin Cameroon si nghak Andre Onana a thlang ta zawk niin a sawi. (ESPN)

C AC Milan chuan Tottenham leh Brazil right-back Emerson Royal chu lak tumin an dawr ta a. Mah se, Tottenham in an chhiarna zat leh an lak ngamna zat a la inthlau viau rih thung. (Sky Sports Italia)

C Spain striker Alvaro Morata chuan hlawhtlina a chan hma chu Atletico Madrid ah cham zui zel a duh thu lo sawi tawh bawk mah se AC Milan a zawm dawn leh dawn loh a ngaihtuah mek. (Corriere dello Sport – in Italian)

C Juventus chuan Manchester United atanga England winger Jadon Sancho lakna tur sum tuak nen Italy forward Federico Chiesa hralh an duh. United in an manager atan Erik ten Hag an rawih chhunzawm dawn vangin Sancho hian Old Trafford a kir a duh tawh lova, Italian club lian hi zawm a duh ve bawk. (Calciomercato – in Italian)

C Manchester United leh Arsenal te chuan £30m tawktarhin Netherlands striker Brian Brobbey chu Ajax atanga lak tumin an inchuh dawn. (Sun)

C Portugal midfielder Joao Palhinha chuan Bayern Munich zawm fel turin medical test a paltlang tawh. Medical test hmachhawn fel tawh mah se Fulham lamah tihfel ngai neuh neuh a la nei thung. (Sky Sport Germany)

C Manchester United chuan thawhtanni khan meeting an nei a, an rorel zingah kum 22 mi Everton leh England centre-back Jarrad Branthwaite lak tuma dawr nawn leh nawn leh chungchang pawh a tel. (Mail)

C West Ham United chuan Newcastle United in lak tuma an hel mek Jarrod Bowen chu hralh tumna an nei lova, aman atan pawh £100m chuang zet an chhiar. Hei hian lak tuma hel mektu Magpies hi hnar khawn ang fawkin an lettir theih an beisei. (Football Insider)

C Manchester United forward Mason Greenwood chuan chawlhkar tharah chuan a hma lam hun tur tihchian tawh ngei a duh. Kum 22 mi England striker hi Atletico Madrid, Barcelona, Juventus, Lazio, Marseille leh Valencia ten lak tumin an ngaihven hlawm. (Mirror)

C Manchester City chu kum 23 mi Newcastle leh England winger Anthony Gordon ngaihven zingah an tel. Gordon hian June 2026-ah a contract neih mek a hmang zo dawn a, chumi hma chuan Newcastle pawh hian hralh an duh tura ngaih a ni. (Football Insider)

C Manchester City chuan Portugal defender Joao Cancelo chu Barcelona atanga a kir leh hnuin Italian club lian pahnih Inter Milan leh Juventus hnenah an zawrh. Barcelona pawhin loan-a an hawh tawh Cancelo hi a ngheta lak an duh ve bawk. (La Stampa, via Football Italia)

C Arsenal chuan kum 30 mi Wolves keeper Dan Bentley lak an rilruk. (Express & Star)

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More