C Chelsea chu January thlaah Ukraine winger Mykhailo Mudryk chhuahtir turin an inpeih a, kum 23 mi hi French club Marseille in lak tumin an ngaihven. (Teamtalk)
-- Advertisement --
C Arsenal chu centre-back Gabriel Magalhaes nen contract thar chungchangah indawr turin an inhawng a. Pathianni zanah Tottenham laka chakna goal thuntu hi Gunners hian chelh zui ngei an duh. (Football Insider)
C Nipui bazar liam taah khan chhuak tur anga sawi ni bawk mah se Denmark playmaker Christian Eriksen chuan kum khat daih contract a la neih vangin Old Trafford chhuahsan lam a ngaihtuah miah loh thu a sawi. (Mail)
C AC Milan adviser Zlatan Ibrahimovic chuan Borussia Dortmund boss Edin Terzic a bia a, Serie A club lian hian an manager thar atan an duh. Milan hian nipui bazar lai khan an manager thar atan Paulo Fonseca an ruai a. Season tharah bul an tan chhiat em vangin Fonse hi dinhmun derthawngah a ding leh der tawh. (Sky Sports Germany)
C Inter Milan president Guiseppe Marotta chuan tuna Manchester City leh Norway striker Erling Haaland hi kum 15 mi a nih lai khan an la lut teuh viau niin a sawi. (Football Italia)
C Nipui bazar laiin chhuak lo chungin first team la chang chho zel mah se Chelsea leh England left-back Ben Chilwell chuan thlasik bazarah Stamford Bridge chhuahsan a la beisei reng tho. (Football Insider)
C Chelsea chuan NBA club Minnesota Timberwolves executive vice-president Sachin Gupta chu an club executive vice-president ah ruat an tum. (Athletic – subscription required)
C Newcastle United chuan kum 18 mi Chelsea right-back Josh Acheampong an ngaihven a, England Under-19 international hi lak tumin hma an la ngei dawn. (i newspaper – subscription required)