C Brighton leh Chelsea manager hlui Graham Potter chuan thla liam ta khan Wolves in an manager thar ni tura an sawmna a hnar. Wolves hian an manager Gary O’Neil an ban fel tawh a, a hmunruak luahtu tur an zawng mek. (Guardian)
-- Advertisement --
C Senegal forward Nicolas Jackson chuan January 2023-a Chelsea a zawm fel hman khan Villareal atangin Aston Villa leh Bournemouth te a zawm hman teuh hle. (90 Min)
C Italian club AC Milan chuan United States forward Christian Pulisic chu contract thar an ziahpui fel thei tep tawh. (Fabrizio Romano)
C AC Milan hian Netherlands midfielder Tijjani Reijnders leh France keeper Mike Maignan te contract thar ziahpuiin thlun ngheh a n tum bawk. (Calciomercato – in Italian)
C Manchester United chuan England forward Marcus Rashford chu hralh turin an chhawpchhuak a, kum 27 mi hi January thlaah man tlawm zawkin a lei theih dawn. (Guardian)
C Liverpool leh Egypt forward Mohamed Salah chuan contract thar a ziak fel thei tep tawh. Kum 32 mi Salah hian Saudi Arabia club ten hlawh sang tak pek huam bawk mah se Liverpool-ah cham chhunzawmin inelna lian zawk hmachhawn rih a duh. (Marca – in Spanish)
C Southampton chuan an manager Russell Martin an ban hnuin kum 35 mi Sheffield Wednesday manager Danny Rohl chu an manager thar atan dawr an rilruk. (Times – subscription required)
C Nipui bazar inhawn hunah club lian tak tak; Bayern Munich, Real Madrid / Manchester City ten lak tuma an hel mek Germany leh Bayer Leverkusen midfielder Florian Wirtz chuan chhuak lovin kum 2028 thleng a conrtract pawh sei a tum. (Sky Germany)
C Loan-a a zawm mek Arsenal-ah hmun chang tam thei lo mah se England winger Raheem Sterling chuan Arsenal a zawm theih hun chhung tih tawi a, Chelsea lamah kir tumna a nei lo. (Standard)
C Arsenal defender Jakub Kiwior chuan January thlaah chhuak turin thutlukna a siam. Polan international hi Italian Serie A club lian Napoli in lak tumin an ngaihven. (Il Mattino – in Italian)
C Manchester United chuan Greek Olympiacos striker Charalampos Kostoulas an thlithlai. (Sun)
C Brighton in £20.7m tawktarh a kum 18 mi Brazilian Vitor Reis an dawrna chu hnawl a ni. Palmeiras chuan Reis hma lam hun tur chungchang hi Club World Cup zawh hnuah chiah indawrna kalpui an tum. (ESPN Brazil – in Portuguese)
C Arsenal chuan French Sevilla midfielder Lucien Agoume chu uluk zawkin an vil a, kum 22 mi hi Ghana midfielder Thomas Partey hmunruak luahtu atan an duh. (FootballTransfers)
C French Al-Ittihad striker Karim Benzema chuan 2024-25 season tawp hunah football chawlhsan a tum. (Relevo – in Spanish)
C Spain midfielder hlui, Como manager ni mek Cesc Febregas chuan club nei lova awm mek Dele Alli chu an hnenah training nei a, intuaithar leh turin a sawm. (ESPN)
C German goalkeeper Manuel Neuer chuan kum khat dang atan Bayern Munich-a a contract pawhsei leh a tum. (Sky Germany)