Football titi

C Everton chuan Albania striker Armando Broja chu Chelsea ah thawn kirin, player dang hawh theih an inbeisei a. Manager David Moyes-a’n lak a duh zual zingah English midfielders Kiernan Dewsbury-Hall leh Carney Chukwuemeka te an tel. (Guardian)

C Oleksandr Zinchenko chu hralh tura an chhawpchhuah zingah tel mah se lei tuma dawrna Arsenal in an la dawng lo. (Sky Sports, external)

C Atletico Madrid chuan defence leh midfield a khel kawp thei Ukraine international Zinchenko hi lak tumin an ngaihven a. Lak tuma ngaihven ve thin Borussia Dortmund an ngawi ta thung. (Sky Sports, external)

C Brighton chuan Premier League club ten an ngaihven striker Evan Ferguson chu tun season chhung atan loan in chhuah an phalsak. (Mail, external)

C Chelsea in £8m senga Deportivo La Coruna leh Spain U21s winger Yeremay Hernandez lei an dilna chu hnar a ni. (Fabrizio Romano, external)

C Ipswich forward Ali Al-Hamadi chuan loan a Stoke City zawm turin medical test a paltlang fel thei ta. (Sky Sports, external)

C Barcelona chuan uluk takin Nottingham Forest defender Murillo an vil a. Kum 22 mi Murillo hi Juventus leh Chelsea te pawhin an ngaihven ve bawk. (Sport – in Spanish)

C Aston Villa chuan thlasik bazar chhung ngeiin Besiktas leh Turkey forward Semih Kilicsoy lak luh an tum. (Football Insider, external)

C Premier League-ah kir leh tur anga sawi tlangthan Nigeria forward Ademola Lookman chu Atalanta in kawl chhunzawm ngei an duh. (Corriere della Sera – in Italian)

C Lecce president Sticchi Damiani chuan Manchester United in lak an tum kum 20 mi Denmark left-back Patrick Dorgu chu kawl chhunzawm ngei an tum thu a sawi. Lecce hian Dorgu hi loh theih loha an hralh dawn a nih pawhin a manah €40m (£33.8m) an chhiar. (Football Italia)

C Brazil forward Neymar chuan Al-Hilal chhuahsanin a chawrchhuahna Santos lamah kir leh a tum a. Santos-ah a kir theihna tur a nih chuan Saudi club a hlawh sang tak a lak chu kalsan turin a inhmakhua. (Footmercato – in French)

C Chelsea leh Portugal centre-back Renato Veiga chu Juventus zawm fel turin Pathianni khan Turin khawpuiah a thlawk lut. Italian club hian kum 21 mi Veiga hi tun season chhung loan in an hawh dawn. (Fabrizio Romano)

C Germany, Italy leh Saudi Arabia atangte in ngaihventu nei bawk mah se, Argentina midfielder Emiliano Buendia chuan Aston Villa-a contract a neih mek chu kum khat chhung atan pawhsei a remti. (Athletic)

C Aston Villa chuan Sevilla atanga French defender Loic Bade an lak theih loh hnuin Villareal atangin Argentina defender Juan Foyth lak tumin an dawr zui leh nghal. (Talksport)

C Chelsea centre-back Axel Disasi chu Aston Villa in lak an tum zingah a tel bawk. Villa hian thlasik bazar inhawn chhungin defender thar lak luh ngei an tum. (Football Insider)

C Arsenal chuan Premier League club dangte pawhin lak tuma an ngaihven kum 18 mi Norwegian starlet Sverre Nypan chu Rosenborg atangin lak theih ngei an inbeisei. (Talksport)

C Tottenham-ah loan a khel mek Germany forward Timo Werner chuan a ngheta RB Leipzig chhuahsanin Major League Soccer club New York Red Bulls a zawm dawn. (Footmercato – in French)

C Nipui bazar inhawn huna contract hmang zo mai tur Liverpool captain Virgil van Dijk chuan a hma lam hunah eng nge lo thleng dawn tih a hriat bik loh thu a sawi. (Liverpool Echo)

C Brentford right-back Mads Roerslev chuan thawhtanni khan loan a Wolfsburg zawm fel turin medical test a pal tlang fel. Wolfsburg chuan Mads Roerslev hi loan in thlaruk an hawh phawt ang a, a ngheta an la duh a nih chuan season tawp hunah an la zui thei ang. (Sky Sports Germany)

C Strasbourg chuan Brentford atangin Portuguese forward Fabio Carvalho lak an tum a, loan a hawh an dilna chu Bees in an hnar thung. (Footmercato – in French)

C Feyenoord in Mexico striker Santiago Gimenez manah €40m chhiar bawk mah se, AC Milan chuan €33-34m vel bawra lak tumin an dawr. (Calciomercato – in Italian)

C Leicester City leh Bangladesh midfielder Hamza Choudhury chuan loan in Sheffield United a zawm dawn a. A contract ah hian a ngheta inlak zui theihna an bilh tel dawn. (Athletic – subscription required)

C Southampton chuan nipui bazar inhawn ruala contract hmang zo tur Kyle Walker-Peters dawrna an dawng a nih chuan tha taka dawnsawn an tum. (Fabrizio Romano)