Football titi

C Arsenal chuan Newcastle United striker Alexander Isak awt viau mah se man tlawm zawka lak theih tur RB Leipzig leh Slovenia forward Benjamin Sesko lak tum turin thutlukna an siam ta zawk. Arsenal in an hawisan a nih chuan Isak tan Liverpool panna kawngka a inhawng zau leh zual sauh ang. (Liverpool Echo)

C Manchester City in an ngaihven tih hre mah se Newcastle chuan kum 22 mi England full-back Tino Livramento lak tuma dawrna dawng pawh ni se tha taka dawnsawn tumna an nei lo. (Football Insider)

C Manchester United leh Brazil midfielder Casemiro chu AC Milan in lak an tum langsar zual zingah a tel. (Fichajes – in Spanish)

C Arsenal in Wolves atanga lak an tum Algeria left-back Rayan Ait-Nouri chu AC Milan in chuhpui ngei an tum. (CaughtOffside)

C Everton chuan Leeds United atanga an hawh mek English winger Jack Harrison chu a ngheta an lak a beiseiawm loh. (Football Insider)

C Manchester City leh Manchester United te chuan Portugal winger Francisco Trincao chu lak tumin an thlithlai zui zel a. Kum 25 mi hian Sporting-ah contract thar a ziah hmel viau thung. (A Bola – in Portuguese)

C Manchester United chuan Real Sociedad leh Spain midfielder Martin Zubimendi chu nipui bazar inhawn hunah lak an tum dawn, (GiveMeSport)

C Liverpool chuan Danish right-back Anton Gaaei leh Belgian forward Mika Godts te lak an tum a. Hemi rual hian Ajax leh Netherlands defender Jorrel Hato pawh an ngaihven tel ve bawk. (TBR Football)

C Everton chuan nipui bazar inhawn hunah Brazilian winger Luis Henrique chu Marseille atangin lak an tum dawn. Mah se, Everton hian Henrique la thei turin Newcastle United an hmakhalh a ngai dawn thung. (Football Insider)

C Manchester United chuan Nigeria striker Victor Osimhen chu Napoli atangin lak an duh a. Osimhen manah hian Denmark striker Rasmus Hojlund kal teltir an pawiti lo. (Calciomercato – in Italian)

C West Ham chuan Genoa leh Belgium centre-back Koni de Winter te lak tumin an ngaihven. (Nicolo Schira)

C Tottenham chuan Brighton in an ngaihven Romania right-back Andrei Ratiu chu Rayo Vallecano atanga lak tumin an ngaihven thar ve leh. (Mundo Deportivo – in Spanish)

C Spurs chuan RB Leipzig atangaa an hawh mek Germany forward Timo Werner chu £8.5m sengin la nghet thei bawk mah se a ngheta lak luh zui tumna an nei lo. (Mirror)

C Newcastle chuan £10-15m in England goalkeeper Nick Pope an hralh phal a, kum 32 mi thlaktu atan hian kum 22 mi Burnley keeper James Trafford lak luh an duh. (Football Insider)

C Barcelona chuan season kal meka khel tha tak Brazil winger Raphinha chu contract thar ziahpui an tum. (Mundo Deportivo – in Spanish)

C Chelsea chuan kum 16 mi Gremio midfielder Gabriel Mec lak theih ngei tumin hma an la. (TBR Football)