Football titi

c Real Madrid chuan nipui bazar inhawn ruala Liverpool-a contract hmang zo tur Brazil forward Roberto Firmino chu free transfer in lak an rilruk. (Fabrizio Romano)

c Tottenham leh Paris St-Germain manager Mauricio Pochettino chuan kum thum chhung enkawl turin Chelsea-ah contract a ziak fel ta. (Guardian)

c Brazil chuan Real Madrid boss Carlo Ancelotti chu an head coach ni turin hmin theih an inbeisei chhunzawm zel. World Cup-ah vawi nga champion tawh Brazil hi Qatar World Cup zawh hnu atang khan manager nghet nei lovin an la awm char char. (Athletic – subscription required)

c Liverpool chuan Lazio midfielder Sergej Milinkovic-Savic chu 26m euros (£22.5m) sengin an la thei dawn. Serbia international hian Lazio-ah kum 2024 thleng chauh contract a nei tawh. (Calciomercato via Goal)

c Manager Luciano Spalletti hma lam hun tur a chian loh vangin Manchester United chuan Napoli player pahnih; South Korea defender Kim Min-jae leh Nigeria striker Victor Osimhen te lak theihna hun tha an neih theih a beiseiawm leh zual. (Givemesport)

c Newcastle United chuan Napoli atanga Kim lak tuma inel turin intlansiakna kawng an zawh ve ta. (Fijaches – in Spanish)

c Sheffield United chuan DC United-ah loan a khel mek Nottingham Forest midfielder Lewis O’Brien an thlithlai. (Sun)

c Crystal Palace chuan free transfer a lak theih tur Bournemouth leh Colombia midfielder Jefferson Lerma chu inremna an neihpui thei tep tawh. (Fabrizio Romano)

c Arsenal leh Manchester United-a lo khel tawh Chile forward Alexis Sanchez chuan Marseille-a hun a hman zawh hnuin Premier ah kir leh a duh. Kum 34 mi hi club vawn nei lovin a awm mek a, awlsam takin a lak luh theih dawn. (Sun)

c Tottenham chuan Manchester United in lak tuma an hel mek England striker Harry Kane kawl chhunzawm ngei an duh. Spurs chairman Daniel Levy chuan Kane hi Premier League-a an elpui club lakah hralh a duh lo. (Mirror)

c Erik ten Hag chuan Chelsea leh England midfielder Mason Mount chuan nipui bazar inhawn hunah Manchester United a zawm ngei a rin hle. (Telegraph)

c Bayern Munich chuan West Ham leh England midfielder Declan Rice manah £95m thehchhuak turin an inbuatsaih a. Rice lak tuma hel mek Arsenal hmakhalh ngei Bayern hian an tum hle. (Mirror)

c Tottenham, Newcastle leh Arsenal te chu Premier League club atanga Leicester midfielder James Maddison ngaihven zingah an tel. England midfielder hi £40m vel bawrin a lak theih hmel. (Mirror)