Foreign Secretary hluiin commonwealth ram chhuahsan hun tawh a ti

Foreign Secretary hluiin commonwealth ram chhuahsan hun tawh a ti
India foreign secretary hlui Kanwal Sibal chuan inrinni khan India chuan member 56 awmna Commonwealth ram chu a chhuahsan a hun tawh tih a sawi.
Ni hnih awh Kashmir Literature Festival-a thu a sawinaah Sibal chuan British Empire chu hmanlai thil a nih tawh thu sawiin, Jawaharlal Nehru-a prime minister a nih lai khan foreign policy-ah thil tihsual lian tak tak a awm thu a sawi bawk a, thil thlen chhan thenkhat chu foreign service thenkhatah pawn lam mi pawimawh an lakluh thin vang a ni a ti.
Commonwealth a zawm avang hian India hian a duh aia tam khawvel thilah a inrawlh em tih zawhna chhangin Sibal chuan an ram chu inrawlh lo thei lovin an siam thin zawk a, a inrawlh phah ta fo reng bawk niin a sawi a ni.
‘Kawng thenkhatah chuan pumpelh theih loh a ni a, a chhan chu ram lian hmasa ber, zalenna nei hmasa ber a nih avang pawh a ni. Ram tan he grouping hi chhuahsan erawh a hun tawh hle,’ tiin Sibal chuan zawhna a chhang.
Min zawt a nih chuan Commonwealth member kan ni tur a ni lo, a tir lamah chuan a tangkai a ni thei. Mahse, kan chhuahsan hi a hun tawh hle. Economy-ah phei chuan Britain ngei aipawhin kan ram economy hi a lian tawh zawk, tiin Sibal chuan a sawi.