Mizorama project hrang hranga forest clearance hmuh theih loh avanga harsatna awm leh a chinfel dan tur chu chief minister Lalduhoma’n Union Minister of Environment Forest & Climate Change Bhupender Yadav a sawipui.
New Delhi-a cham mek chief minister hian Thawhlehni khan Union Forest minister hi hmu in, Mizorama project hrang hranga forest clearance hmuh theih loh avanga harsatna awm leh a chinfel dan tur an sawidun a. Union minister hian harsatna awm chu chinfel pui thuai a lo tiam a ni.
Chief minister hian forest clearance hmuh loh chungchanga Mizoramin a tih tur thil la awmah chak zawka hma lak a nih theih nan thutkhawm koh thuai a tum thu Union minister a hmuh zawh hian a sawi a ni.
Thawhlehni vek khan DoNER minister Jyotiraditya Scindia chu Lalduhoma hian a hmu a. North Eastern Council thuneihna tihpun chungchang leh project hrang hrang an sawi. Union minister hian DoNER hnuaia project hrang hrang enfiah turin Mizoram a lo tlawh thuai tur thu a sawi a. Kaladan Multi-Modal Transit Transports Project pawh a hmunah tlawh a tum tih a sawi a ni.
Forest clearance lama harsatna Union Forest minister-ah thlen
Get real time updates directly on you device, subscribe now.
Prev Post