Forest Fire Mock Drill hmasa ber…

EF&CC Department huaihawtin state level anga India rama a hmasa ber ni turin Forest Fire Mock Drill chu January 31-ah Durtlang Leitan bul khamah neih tura ruahman a ni a. Hemi chungchang hi nimin khan a kaihhawih department-te nen sawiho a ni a.
Chhiatrupna, lirnghing, kangmei, tuilian etc. a lo thlen thulha chet lak dan tur lo zir lawkna ‘mock drill’ hi thil pawimawh tak a ni a, disaster management lam buaipuitu department huaihawtin tunhma aTangin neih a lo ni tawh Thin a, ‘mock’ a nih miau avangin inbuatsaih lawk loh theih a ni lova, a tlangpuiin tluang taka mock drill hi neih a ni Thin. Tlangrama awm kan ni a, kan hmunhma ten a lo zir lova, inkalpawhna Tha awm lohna a lo ni bawk nen, mock drill hlawhtlinna aTanga engzat percent nge a tak tak a thlen hunah hian kan hlawhtlinpui ang tih hi rilruah a awm lo thei Thin lo a ni.
Tunah chuan, India rama la tih ngai loh, Forest Fire Mock Drill neih a ni dawn ta a. Mizoram hi kangmei avanga ramngaw hloh nasa pawl kan ni Thin a, thingtlang lo siamna atana lo hal nen phei chuan ram tikang nasa ber kan ni hial awm e. Ram Tha lai aTanga kangmei a chhuah hian, a bul hnai khuate an hah thei hle a, kangmei chhuahna tur hriatlawk a nih miau loh avangin, a chang chuan hmun hla tak kal ngaihna te a lo ni ang a, forest department anga hma han lak nghal zung zung theih lohna pawh a tam ang.
Tuna Forest Fire Mock Drill ang hi neih Thin chu a sual hran awm lo e; mahse, a pawimawh ber nia lang ta chu, |hal khaw ro hun lai, thla hnih khat chhung hi chu ngawrh taka ram hnuaia kangmei chhuak palh thei veng tura patrolling beihpui thlak hi a ni awm e. A hun lai chuan, kangmei laka himna tura insenso ve deuh pawh hi inhuam mai tur a ni. Mock drill huaihawtna atana sum senso a Tul kan tih ang chiah hian, a tak tak lo thleng palh thei tur venna atana patrolling atana lo insenso lawk pawh hi Tul hleah i ngai ve tho ang u. Chumi atan chuan pawl hrang hrang leh khawtlang nena thawhhona thuthlungte pawh siam mai tur a ni.
Forest Fire Mock Drill nei hmasa ber nihna hauh theih hi a hlu e, chutiang bawkin mock drill chhawr Tangkai ber ni thei tura inbuatsaih zui zel pawh a pawimawh dawn hle a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More