Forest striker Taiwo chawl rei dawn

Nottingham Forest striker Taiwo Awoniyi chu a thal bawr a tihnat avangin tla engemawti chhung a chawlh a ngai dawn tih Forest boss Steve Cooper chuan a sawi a, khelmuala a kir theih hun tur tak erawh a sawichiang thei bik rih lo.
Awoniyi hian nikum khan Forest hi Bundesliga club Union Berlin atangin pound maktaduai 17-in a zawm a, tunhnai international break lai khan Nigeria tana a khelhna lamah a thal na sa a tihnat belhchhah a, zai hial a ngaih phah a ni.
Season kal laiah Awoniyi hian a club vawn lai tan Premier League game 10 khelin goal li a thun tling tawh a, hliamin a tlakbuak zui ta a ni.
Cooper chuan a striker chawlh rei hun chhung tur sawi thei rih lo mah se tun season-a an chhawr leh hman ngei tur thu erawh a sawichiang a, groin surgery a nih avangin bawksawp hun chhung a rei lo deuh tih a tarlang tel.
Liverpool forward hlui Awoniyi hi City Ground club tana player pawimawh ni mekin, season liamta pawh khan league goal 10 khung tlingin Forest-in top-flight an khelh chhunzawm leh theihna hnar pakhat a ni.