‘Fortnight’ kar hnih chhung a lar ber

‘Fortnight’ kar hnih chhung a lar ber
Taylor Swift ‘Fortnight’ featuring Post Malone chu Billboard Global 200 chart-ah a No.1 a, he chart-a kar hnih a No.1-na a ni ta. Hetihrual hian Sabrina Carpenter ‘Espresso,’ Shaboozey ‘A Bar Song (Tipsy),’ Tommy Richman ‘Mission Dollar Baby,’ leh ZICO ‘Spot’ featuring Jennie te pawh top 10-ah an lang.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
‘Fortnight’ hian kar khat chhungin stream maktaduai 99.8 leh sales 10,000 a la nei thei a, hei hi chart-ah No.1 pui lehin, a zawnin kar hnih a No.1 ta a ni.
Sabrina Carpenter ‘Espresso’ chuan stream maktaduai 85.8 leh sales 6,000 neiin, No.17 atangin No.2-ah a invawrh a, he chart-a top 10 kai thei hla a neih vawi khatna a ni.
Artemas ‘I Like the Way You Kiss Me’ chu No.10 atangin No.3-ah a insawn a, chart No.1 hlui Benson Boone ‘Beautiful Things’ chu No.12 atangin No.4 a kai thar leh a, chart No.1 hlui bawk Hozier ‘Too Sweet’ chu No.13 atangin No.5 a kai thar ve leh ta bawk.
Shaboozey ‘A Bar Song (Tipsy)’-in stream maktaduai 56.4 leh sales 25,000 neiin No.33 atangin No.6-ah a invawrh a, he chart top 10-a lang thei hla a neih vawi khatna a ni. He hla hi 2004-a J-Kown hip-hop hit ‘Tipsy’ nena kaihkawp a ni.
Tommy Richman ‘Million Dollar Baby’ pawhin stream maktaduai 50.5 leh sales 4,000 neiin, No.10-ah a debut a, he chart top 10-a lan vawi khatna a ni.

Billboard Global 200 Top 10:
1 Fortnight – Taylor Swift Featuring Post Malone
2 Espresso – Sabrina Carpenter
3 I Like The Way You Kiss Me – Artemas
4 Beautiful Things – Benson Boone
5 Too Sweet – Hozier
6 A Bar Song (Tipsy) – Shaboozey
7 Gata Only – FloyyMenor X Cris Mj
8 I Can Do It With A Broken Heart – Taylor Swift
9 Down Bad – Taylor Swift
10 Million Dollar Baby – Tommy Richman