France ram kangah pakhat thi, tam tak tlanchhia

France chhim lam hmun zau taka ram kang mek avangin pitar thiin mi dang pakhat chin hriat lohvin a awm mek a, chenna in tichhiain mi sang tel an tlachhe bawk.
Thi hmeichhia hi a ina thi a ni a, kang thelhtu pasarih chu meikhu an hip nasat lutuk avanga enkawl ngaia awmin chin hriat loh pakhat a awm bawk tih thuneituten an sawi a. Damdawi ina hliam tuar pahnih enkawl niin pakhat hi a na viau nghe nghe.
Aude region-a La Ribaute khaw bula Thawhlehni atanga kang tan hian hectare 13,000 chuang, Paris khawpui aia zau kang tawhin kumina France-a ram kang lian ber a la ni.
Kang thelhtu 1,800 rualin a thelhna lirthei 500 hmangin an bei mek.
Lagrasse, Fabrezan, Tournissan, Coustouge leh Saint-Laurent-de-la-Cabrerisse khuate chu a tuar na zual an ni.
Thuneitute chuan thli na tak, thing ro leh nupui khaw lum lutukin a timan kai chak zual niin an sawi.
Jonquières Mayor Jacques Piraud chuan an khaw 80% vel kang tawhin in pali a kang tawh niin Le Monde hnenah a sawi.
Thlalak thehdarhah chuan car kang bâng dum deuh deuh te, khua atanga darkar thum kal vela hla tuipui kama boruak thiang hipa thu te hmuh theih a ni.
Chenna in 25 vel chhe tawhin chhungkaw 2,500 chuangin electricity an nei lo mek a. Thuneitute chuan kawngpuite pawh kharin Thawhlehni zana in chhuahsante chu la let rih lo turin an ti bawk.
President Emmanuel Macron chuan kang thelhtu leh tual chhung thuneitute an pui reng tih X-ah tar langin sorkarin a tih theih apiang a ti tih a sawi a. Mi chengte chu insaseng tura tihna leh thupek dangte zawm tha turin a ngen.
Aude region Secretary General Lucie Roesch chuan kang thelhtute chuan mei kawng sialin kang thar awm tur an veng tih a sawi.
Tun hnaiah he region-ah hian ruah a sur tlem a, kangmei a chhuaha nasa taka inman kai tur vengtu ni thei, grape chinna a tlem tawh bawk avangin a kan mai duhna hmun ni sa a ni a. Khua a lum hle bawk.
Scientist-te chuan Mediterranean-a lum leh nipui ro tak avangin heng lai velah hian ram a kan a hlauhawm tih an sawi lawk tawh a. France-a emergency management service chuan tun nipuiah hian kang 9,000 chuang chhuak tawhah hectare 15,000 dawna zau a kang tawh niin an sawi.