Bordeaux Challenger tournament khela French Open inbuatsaihna kalpui ve mek Andy Murray chu kum 38 mi ni tawh Stan Wawrinka lakah 6-3 6-0-in a tlawm a, clay leilunga beisei a la phak loh zel rih avangin kumin French Open hi a khel dawn em tih tun thlengin a la tichiang thei lo!
Kumin thlatir lam khan Aix-en-Provence lama Challenger event dangah kum 36 mi Murray a champion a, ATP ranking-a a dinhmun pawh kangin, wor,d number 42 a luah chho a, mahse, karliamta mai khan Italian Open first round paltlang zo loin a tla a, Bordeaux lamah pawh Briton a dam rei leh ta lo.
World number one hlui Murray hi tournament second seed ni chungin a inlan a, a bye avangin second round atangin bul a tan a, mahse, US, French leh Australian Open champion lo ni tawh Wawrinka chuan minute 75 lek chhungin Briton hi a tukdawl hman!
Swiss Wawrinka pawh hi French Open inbuatsaihna dang Italian Open lamah a damrei bik lo a, France ram tournament kal mekah erawh first round-ah tualchhung player Ugo Blanchet hneh chungin bul a tan a, quarter-final pakhatah Frenchman Ugo Humbert leh Belgian Gauthier Onclin inkhela chak zawk zawk a tum leh ang.
France ramah Murray tla hma
Get real time updates directly on you device, subscribe now.
Next Post