French Open ni khatnaa hmeichhe result lawrkhawm

French Open ni khatnaa hmeichhe result lawrkhawm
Pathianniah kum khat chhunga grand slam tournament pahnihna French Open an khel tan a, hmeichhe singles result hmuh theih ang ang kan han tarchhuak e.
Paris tournament lian inbuatsaihna hnuhnung Italian Open champion Jasmine Paolini chuan unforced error 14 zet nei chungin Chinese Yuan Yue lakah hlauhawm a tawntlang thei hram a, set hnihna hloh chungin 6-1 4-6 6-3 hnehna nen French Open first round a paltlang.
Italian fourth-seed Paolini hi a hma chiah chawlhkarah khan kum 10 bi li chhunga Italian hmeichhe zinga Italian Open title la thei hmasaber niin, Roland Garros atan pawh rinkai zingah rinluh loh inthlahrunawm khawpin a chak tluang mar rei a, mahse, Paris-a a bul tan dan erawh duhthu a sam zat lo deuh.
Kum 29 mi hian all-Australian first round match-a Ajla Tomljanovic leh Maya Joint inkhela chak zawk zawk a hmachhawn leh ang.
French Open Day 1-ah hian world number one Aryna Sabalenka pawh second round lut zingah telin, Russian Kamilla Rakhimova lakah harsatna lian tawk loin 6-1, 6-0 hnehna awlsam a chang.
Three-times Grand Slam champion Sabalenka hi tunah kum 27 mi niin, kum 2013 khan Paris-ah hian semi-final a lo thleng ve tawh a, kumin hian a vanglai hmang chho zelin, champion a tumna kawngah Jil Teichmann leh qualifier Lucrezia Stefanini chak zawk zawk a tum leh phawt ang.
Madrid champion Belarusian Sabalenka chuan hnehna a chan rualin Paris-a a kir leh thei chu a hlim takzet tih a sawi a, first round match hi engemawti takin harsa riau thin mah se awlsam taka a chak theih avangin a lawm a, amah thlawptu mipui chungah lawmthu a sawi nghal.
First round inkhel dangah Elina Svitolina pawh nuamsain a chak a; Ukraine nu hian game hnih chiah hlohin Court Suzanne Lenglen-ah 6-1, 6-1-in Turkey player Zeynep Sonmez a sawp.
Vawihnih lai Wimbledon champion ni ve tawh Petra Kvitova chu tla langsar zingah telin, Swiss Viktorija Golubic chuan 3-6, 6-0, 6-4-in a hneh a; Italian Open-ah khan nau neih chawlh a hman zawh hnua a chak hmasakber hun tawng mah se tah pawh khan a thleng sang zo lo a, Paris-ah pawh 2nd round a lut zo leh ta rih lo a ni.
Olympic champion Zheng Qinwen chuan 2024 Olympic gold medal a lakna Roland Garros khelmual ngeiah 6-4, 6-3-in 2021 finalist Anastasia Pavlyuchenkova a hneh leh a, ti hian, Parisian clay bik inelna hrang hrang belhkhawmah match sarih a chak zawn tling ta a ni.
Tarlan tawh thin angin, Chinese tan Philippe Chatrier court hi a ngainatawm reng tawh dawn niin a lang a, a chhan pawh nikum Paris Games-a women’s singles gold medal a awrhna kha a ni tlat a!