Frozen hla hit ‘Let It Go’-in RIAA Diamond a kai

Kristen Anderson-Lopez leh Bobby Lopez te hlaphuah, animated movie Frozen hla hit zet mai ‘Let It Go’ chu The Recording Industry Association of America (RIAA)-in Diamond a kai tih an puang a, RIAA diamond hi US-a hla emaw album emaw copy maktaduai 10 hralh tlin theih chhinchhiahna a ni.
Let It Go hi Frozen film-ah hian Elsa (Idina Menzel) sak niin, diamond plaque hi a hlaphuahtu pahnih te hian D23-ah Disney Music Group President Ken Bunt-a’n a hlan. A hla hi 2014-a an tlangzarh kan Billboard Hot 100 (singles) chart-ah kar 33 chhung langin, No.5 te pawh a kai zak zak a, Streaming Songs cart-ah kar 71 chhung langin, No.2 a kai a, radio lama pawh kar 22 chhung chhart-ah langin, Adult Contemporary le Adult Pop Songs airplay chart-ah te pawh kar 12 a lang a, ‘Frozen’ soundtrack hi 2014 year-end Billboard 200 albums chart-ah No.1 a ni nghe nghe.
‘Let It Go’ ian Oscar-ah pawh best original song dawngin, Grammy-ah pawh best song written for visual media a dawng bawk. He hla hi Walt Disney Records atanga diamond award dawng thei hmasa ber a ni bawk.