Sawrkar laipui Ministry of Earth Sciences hnuaia Indian Meteorological Department thuchhuah angin, state dang rualin Mizoramah fur a intan ta a, ruah tam tham tak sur thei reng dinhmunah a ding tawh a ni.
Disaster Management & Rehabilitation department chuan chhiatna laka kan him theih nan chhungtinte mahni chenna in leh a vela leimin theng palh thei a awm em tih uluk taka thlithlai reng turin a ngen tih sawiin, ‘Kan in bulhnaia tui luankawr leh tuichhe paihna tha lo lai a awm a nih chuan rang taka siamtha zel turin kan inngen a. Tuichhe paihna leh inchung atanga tui khawh thlakna (drain pipe) mahni in bul luikawr a thleng ngei ngei tur a ni a, in bul lei charah a tawp ringawt tur a ni lo,’ a ti.
Sawrkar department tinte pawh a chunga sawi ang hian, mahni department building theuhte uluk taka thlithlaia lo enfiah reng turin an ngen tih a sawi a. Chhiatna thleng palha harsatna tawkte chuan mahni District Emergency Operation Centre (DC Office) theuhte rang taka hriattir turin an ngen tih a sawi bawk.
Fur a intan, ruah tam tham sur thei
Get real time updates directly on you device, subscribe now.
Prev Post
Next Post