G-20 Disaster Risk Reduction Meeting

Khuarel chhiatrupna lo thleng thin lo hmachhawn dan tur leh a tihnep dan tur ngaihtuahtu pawl (3rd Disaster Risk Reduction Working Group Meeting) te chuan ni 24th – 26th July, 2023 chhung hian Chennai, Tamil Nadu ah meeting an nei mek a ni. Principal Secretary to the Prime Minister, P.K. Mishra chuan, kum reilote kalta khan India-in khuarel chhiatrupna lo thleng tih tlem dan kawnga sum leh pai senso ngaite ruahman dan mumal takin a siam fel tawh thu a sawi.
G-20 Disaster Risk Reduction Working Group Meeting Vawi 3-na a thusawiin Mishra chuan, India chuan khuarel chhiatrupna lo thleng thin atana sum senso tur te a ruahman fel sa mai nilovin chhiatna tih tlem dan tur te, lo inbuatsaih dan leh inenkawl zui zel na tur atana sum leh pai mamawh te a ruahman fel sa thlap thu a sawi a ni. “Kan hmalakna ang hian Khawvel huap ang pawhin ruahmanna inang tlang kan nei thei ang em? Mimal atanga sum leh pai mamawh te theh chhuah a nihloh chuan khuarel chhiatrupna tihnep na kawnga kan hmalakna hian kawngro a su kaw thuilo ang” tiin Mishra chuan a sawi a ni.
Thla li chhung lekin G-20 Working Group chuan nasa takin hmasawnna a siam zia kan hmu in bul tanna thar pawh a lan zel zia sawiin Mishra chuan, tihtur tamtak a la awm zel thu a sawi bawk a ni. ‘Working Group ten tum sang tak kan neih hian harsatna lian tak kan tawh thin te huam zo ngei a ni tur a ni a. Khuarel chhiatrupna lo thleng thei laka inven dan tur ruahmanna leh tangkai taka inenkawl zui dan tur kan ruahman te hian tualchhung, ram pum leh khawvel huap ang pawha inbuatsaihna tha a ni tur a ni’ tiin Mishra chuan a sawi bawk a ni.