Gas Home Delivery hi “Compulsory” a ni em?

Ka tawnhriat

Lallunghnema
Charity Lodge
Cont: 9862288182

-- Advertisement --

Consumer Huang chhiartute in zavaiin chibai tha ber ka bûk a che u.
Chhiartuten kan hriat tur chu kan chenna khawvel hi consumer-te khawvel a ni a. Consumer-te tâ (belonging) a ni. Mizoramah pawh a ni tho. Engkim hi consumer “thil” a ni vek a. Kan mû emaw kan tho emaw kan thawk emaw kan zai emaw kan zir emaw, a eng pawh ni se, consumer kan ni reng a, kan ni vek.
Dawrkai leh kai lo te, sumdawng leh dawng lo te, thil zuartu tu pawh a thil zawrhnaah chauh consumer a ni lova, a zuartu emaw, mi tha leh zung petu a nih pawhin kha thilah khan consumer a ni lo chauh a ni. Entirnan : Suakchhunga Gas Agency neitu Pi Chhuantei chu an sumdawnnaah khan consumer a ni thei ve lova, Seller emaw Service Provider emaw a ni zawk a. Thil dangah chuan consumer dik tak a ni. Consumer Protection Act leh Rules te a awm lo a nih ngawt loh chuan mi tin hi consumer kan ni vek. Intichangkang taka, “Kei chu Consumer ka ni ve lo”, tih ngawt theih a ni lova. Chutiang mi kan lo awm a nih chuan kan la mâwl hle tihna a ni ang.
LP Gas Home Delivery hi dan ding lai a ni a. Veng chhunga Gas sem ringawt hi phuah chawp a ni a. Home Delivery nghahna mai chauh a ni. The Marketing Discipline Guideline 2022 for LPG Distributorslup-ah chiang takin tarlan a ni a. LP Gas Order 2000 Clause 9 (C) Dt 26/4/2000. Ministry of Petroleum + Natural Gas chuan thuchhuah siamin Home Delivery chu tih ngei ngei tur a nih thu a sawi chiang hle bawk a ni. Gas Distributor tupawhin Home Delivery a tih duh lohva report a nih a finfiah a nih chuan hrem theih a ni. Mizoram Sawrkar pawhin, Pi Ramdinliani Secretary to The Govt of Mizoram, FCS&CA Dept a nih lai khan Notification (on 1st Nov 2022) tih chhuah a ni bawk a. Hlohna tura an ngaih vang aimahin an duh anga an hlep tam dawn loh vang ni berin a lang. Mipui lah hian bawl phawn awlsam chi kan ni lawi a. Hahthlak tak a ni.
Gas Agent- te an phur lova, Home Delivery pum pelh dan ringawt an ngaihtuah em ni aw? tih turin hmalakna a chak lo hle a ni.
Ka sawi tawh thin angin MCU kan din tirh lai khan Gas Home Delivery hi ka thianpa Pu Lurate nen kan lo buaipui nasa tawh a. Tun hun hi kan thleng a mek a ni. Gas Agent- te phur lo, mipuiin duh bawk lo hi chu a pawi namen lo hle a ni.
Gas Home Delivery chungchang hi ka ziak hnem ta hle mai. Tlem lai deuh pawh khan Pu |huamtea i/c Gen.Supplies, FCS&CA puihnain Home Delivery dinhmun ka ziak tawh nghe nghe a. Sawt tak maw le.
Thil mak tak, mak ka tih tawp theih loh chu Veng kilkhawr zawk, entir nan; Sakawrtuichhun leh veng kilkhawr dang eng emaw zata Home Delivery a hlawhtlin laia Aizawl Venghlun leh laili zawk, Entir nan: Chhinga Veng, Mission Veng leh Republic Veng lian eng emaw zat a Home Delivery tih a la theih loh leh a la rem lo hi a ni a. Mi changkang pui pui, Gas lak tuma intlar ka hmuh phei hi chuan ka rilru a nain zahthlâk ka ti hial thin. |hahnem ngaih luatah thin pawh a rim thei hial mai âwm e. Heng vengho hian kan duhsak vang a ni tih lo hre mawlh se, ka duh a ni.
Ram changkang leh hmasawn zawkahte chuan Gas hi pipe-in anmahni inah, an choka ngeiah an pipe lut thin a ni a. Kan va inchangkan hleih em! Changkang theuh theuh! Harh teh u, Veng changkangte u! Intlar leh Gas put i duh chuan i bansan thei. I ban phâkah a inhung reng e.
Ka Tawn Hriat :
He consumer khawvelah hian kum 25 chuang zet chu ka lo tâp tal ta a. Tawn hriat pawh ka nei nual mai. Boruak nuam tak hriat reng tlak a awm laiin hriat reng tlak lem loh a awm nual bawk. |um khat chu dawrkai pakhat hian min vau nasa mai a, min vau zâm thei chuang lem hlei lova. “Ka hlau lo che, i duh leh min khing rawh. I va chapo ve”, min ti tâwn tâwn a. Kei pawhin ka chhang na ve hle a. Heti hian ka ti ve ta ngawt a. “I va chapo ve, nang ang hi consumer te thil ka buainaah hian ka la tawng ngai lo”, ka ti ve ta chiam chiam mai a. Message deng khawng tak takin min la chhu zui bawk a. Mahse, eng tin tin emaw kan tawp ta a. Hetiang vel hi a ni a. Mahse, thil tam takah lawmna tur ka neih belh zel a, ka hlim em em a ni. Consumer thil ka buaipui hi ka inchhir ngai lova, vannei ka inti hle zawk a ni.
Chawlhkar thum liam ta velah khan thlawhtheihna Company pakhat Indigo deficient service & unfair trade chungchangah Complaint ka dawng a. Complainant hi Ramhlun Veng lam mî a ni a. Ani hian he thlawhtheihna (Indigo) ticket Chennai – Aizawl chu Dec 5 2024 khan a la a, flight hi 9 Dec 2024 a mi tur a ni. Mahse, technical error avangin flight chu, cancelled a ni a. Chutiang avang chuan ticket refund complainant hian a dil a. Mahse, an refund thei lawk lova. Kei tehlul hi min han pun (approached) ve a nih kha. Tichuan, thlawhtheihna Manager chu ka zu be ta a. A thil kalpui dan chu Consumer Protection Act, 2019 leh 2019 kalh a nih thu ka zu hrilh ve bawrh bawrh a. Kan inbiak fuh hleih theih loh avangin message ka thawn ta. Anni chuan ticket man chu an pe kir (refund) leh ta a ni. A lawmawm khawp mai. Consumer te hnehna a ni e.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More