Gaza ah zenghri danna pek hun sawn hla

Gaza ah zenghri danna pek hun sawn hla
United Nations (UN) chuan Gaza hmar lama zenghri danna pek hna emergency-a an kalpui mek chu Israel in nasa taka a beih mek lai a nih avangte, mipui tam tak an insawnchhuah avang leh kal hleih theih a nih loh avangin an sawn hlat thu an sawi.
Thawh hniha he zenghri danna hi kalpui tum a nih thu UN chuan sawiin, kum 25 hnua Gaza a zenghri vei hmasa ber naute mipa pakhat phei chu a ke a chhiat hlen phah tak thu a sawi bawk.
Gaza ah hian naupang nuaikhat leh singhnih chuang chu zenghri danna dose hnihna dawng tura beisei an ni a, mahse Israel in beihpui a thlak nasat lai leh mipui tam tak hmun hima an tlanchhiat nasat avangin a hun takah hri danna an pek theih dawn tak loh thu UN chuan a sawi a ni.
UN chuan he lai biala mite hi Israel chuan insawnchhuak turin a ti nasa hle nia sawiin, hei hi hel pawl lamin pawisawi lote inphen nana a hman nasat avang a nih thu a sawi a, an tan chet zung zung erawh a har avangin ei leh in leh an mamawh hrang hrang an tlakchham nasat thu leh, ngaihtuah ran an ngai tawh hle a ti bawk.