Gaza dinhmun chu lungngaihna vawrtawp a ni : UN Secy General

Gaza dinhmun chu lungngaihna vawrtawp a ni : UN Secy General
United Nations hotu chuan indonain a tihbuai Gaza a thilthlengte chu a rapthlak hle a ti a, khawvel puma crime lian tak a nih thu a sawi.
Cairo-a a thusawinaah UN Secretary-General Antonio Guterres chuan he thil hi sawichhuakin, Gaza leh Middle East pumpuiah remna tluantling a awm ngei theih nana hmalak ngei a tul thu a sawi a ni.
Gaza indona hi October 7, 2023 a firfiak pawl Hamas in Israel khawthlang lam an beih tuma thleng tan niin, hemi tum hian Israel mi 1,208 an thi a, an tam zawk chu civil mi an nih thu Israel official te chuan an sawi.
Hemi hnua Israel in phuba an lakna, Gaza a beihpui an thlaknaah hian mi 44,429 chuang an thi a, hei hi UN chuan thil thleng rapthlap tak a nih thu a sawi bawk a ni.
UN hotu Guterres chuan thil thleng zawng zawngte chu lungngaihna vawrtawpah a chan chhoh vek tawh thu a sawi a, thil pawi tak a nih avangin khawvel hian remna zawnga ke a pen rual tlan a ngai a ni, a ti.