Gaza hmar lama Israel beihpui thlaknaah thi an tam tawh

Gaza hmar lama Israel beihpui thlaknaah thi an tam tawh
Gaza hmar lam, Beit Lahia khawpuia Israel beihpui thlaknaah mi 73 an thi tawh a, hmeichhia leh naupangte pawh an tel niin Hamas-in a enkawl thuneitute chuan an sawi.
Zirtawpni zan atanga bomb a puah hnuah hliam tuar tam tak an awm a, chhanchhuah theih loh, lung leh in chimin a delh avanga la tang an awm bawk niin official-te chuan an sawi bawk.
Hemi chungchangah hian Israel chuan thi leh hliam report a endik ve mek tih sawiin, Hamas thuneitute chuan an sawi uar hle tih tih an sawi a, an sipaite thu hriat nen a zat hi a inmil lo niin a sawi.
Pathianni zing khan Lebanon khawthlang lam bakah Beirut khawthlang lamah pawh inbeihna a la awm chhunzawm zel a, khawpui chung lamah meikhu a chhuak nasa hle bawk a ni.
Hetihlai hian Israel chuan Zirtawpni atang khan Beirut chu thlawhtheihna hmanga beiin, hei hi kar khat chuang chhunga Lebanon khawpui laka beihpui thlakna nasa ber a ni.
Israel sipaite chuan Hezbollah ho ralthuam dahna hmun leh Dahieh-a an intelligence headquarters command centre-te chu an beih thu an sawi bawk.