Germany kutah United Cup title

Tennis-a ram leh ram inelna lian pakhat United Cup an tihah Germany chuan top seeds Poland hnehin Pathianni khan champion trophy an sualchhuak.
United Cup hawn tura inkhel pawimawh (deci-ding mixed doubles tie)-ah Alexander Zverev leh Lau-ra Siegemund \angdun chuan 6-4, 5-7, 10-4-in Hubert Hurkacz leh Iga Swiatek inkawp an hneh a; a hmain Swiatek leh Zverev-te’n an singles match ve vea hnehna an chan tawh avangin ram pahnih hi 1-1-in an intluk a, chak zawk tur tichiangtu doubles match-ah Ger-man pair an chak.
Germany hi group stage lamah an che\ha lo a, harsa taka knockout round lut hram ni mah se Zverev leh Siegemund chuan pair hlauhawm an siamchhuak a, an team kuta title a luhna kawngah an thawhhlawk.
Poland pawh kutruak ngawtin an haw bik lo a, a star player Swiatek chuan a singles match khelh zawng zawnga hnehna a chan avang leh final hmaa mixed doubles match lama a chak avangin Most Valuable Player award hlan a ni.