GMN-in Krismas thilpek hlan

Green Mizoram Network (GMN) chuan Operation Kingdom Ministry Phunchawng hnenah Krismas thilpek an hlan.
GMN president VL Hruaizela Khiangte chuan an pawl chu Mizoram thing leh mau nungcha humhalhtu pawl niin, zaithiam rual nen thingphun uar tura midang zirtir tura voluntary-a che chhuak thin an ni a, sum hmuhna tur nei lem lo an nih angin member-te thawhkhawm Rs 23700 bakah thawmhnaw chu an member thin Lalruatpuii din OKM tan hian an luangchhuak ve a ni tih a sawi.
OKM Phunchawng dintu Lalruatpuii chuan kum 2016-ah he hmun hi an din a, tunah thawktu 40 nen mipa hlang enkawl 320 an awm. Nitin buhfai bag 3 an eiral thin a, chhuanchham em chu la nei loin Pathian rinchhanin an kal tawp mai thin.An hun tam ber hi Pathian thu lama inkaihhruaina nen kalpuiin, taksa leh thlarau damna nen mi za telin he hmun hi hlim takin an chhuahsan tawh tih a sawi.